کابل (پژواک، ۶ غویی ۱۴۰۴): د اسلامي امارت مرستیال ویاند وایي، په یو شمېر وزارتونو، ادارو او ولایتونو کې نوې ګومارنې شوې دي.
د اسلامي امارت مرستیال ویاند حمدالله فطرت پر خپله اېکسپاڼه لیکلي چې دا ټاکنې د امیرالمؤمنین د حکم پر اساس شوې دي.
هغه لیکلي، د کورنیو چارو وزارت د سرحدي پولیسو مخکنی عمومي رییس ملا شېرمحمد شریف د زابل ولایت د والي په توګه، د زابل ولایت مخکنی والي مولوي حزبالله افغان د کورنیو چارو وزارت د سرحدي پولیسو د عمومي رییس په توګه، د تخار ولایت مخکنی امنیه قوماندان ملا جانمحمد حمزه د کابل ولایت د کرنې، اوبولګولو او مالدارۍ د رییس په توګه او د سرپل د استخباراتو مخکنی ريیس مولوي سیفﷲ د بلخ د حیرتان بندر د کمېسار په توګه ټاکل شوي دي.
مجاهد دغه راز زیاته کړې چې د کابل ولایت د کرنې، اوبولګولو او مالدارۍ مخکنی رییس مولوي عبیدﷲ د بلخ ولایت د امر بالمعروف، نهي عنالمنکر او شکایتونو اورېدو د رییس په توګه او د حیرتان بندر مخکنی کمېسار مولوي حسین ﷲزاهد د جوزجان ولایت د آقچې د ولسوال په توګه ټاکل شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP