شبرغان (پژواک، ۱۱چنګاښ ۱۴۰۴): جوزجان کې سیمهییزې سرچینې وايي چې د دغه ولایت په خواجه دوکو ولسوالۍ کې د جوزجان ـ فاریاب پر لویه لار د یوې ترافیکي پېښې له امله ۴ کسانو ژوند له لاسه ورکړی او ۵ نور ټپیان شوي دي.
د جوزجان د امنیې قوماندانۍ ویاند قاري عبدالستار حلیمي پژواک خبري اژانس ته وویل چې دغه پېښه نن (چهارشنبه) سهار شاوخوا ۷:۴۰ بجې د دغه ولایت د خواجه دوکو ولسوالۍ اړوند «د لیلې دښتنې د شهیدانو مدرسه» سیمه کې د یوه سراچه او استانه موټرو ترمنځ شوې ده.
هغه زیاته کړه، په دې پېښه کې څلورو کسانو ژوند بایللی او پنځه نور ټپيان شوي دي.
د سرچینې په خبره، د پېښې ټپيان د جوزجان ولایتي روغتون ته لېږدول شوي چې د ځینو روغتیايي وضعیت نازک ښودل شوی دی.
حلیمي د یادې پېښې لامل د چلوونکو بېاحتیاطي یاده کړه او ویې ویل چې د پرلهپسې خبرداریو او سپارښتو سربېره هم ځینې موټر چلوونکي بېغوري کوي.
GET IN TOUCH
NEWSLETTER
SUGGEST A STORY
PAJHWOK MOBILE APP