غزنيښار (پژواک، ۱۶ چنګاښ ۱۴۰۴): د غزني د پوهنې ریاست وایي چې د دغه ولایت د مرکز په ګډون د لسو ولسوالیو ښوونځیو ته د ۷۲ میلیون افغانیو په ارزښت د مرسته شوو درسي توکو د وېش لړۍ پیل شوه.
د غزني د پوهنې ريیس مولوي نصیراحمد حسيني نن په دې اړه جوړه شوې غونډه کې وویل، د یونیسف موسسې په مالي ملاتړ د ۷۲ میلیون افغانیو په ارزښت درسي توکي، لکه کتابچې، بکسې، خېمې، تختې، د لومړي او درېیم ټولګي کتابونه او نور اړین وسایل برابر شوي دي.
نوموړي زیاته کړه، دغه توکي به په شفاف ډول د غزني مرکز او ټولو ولسوالیو ښوونځیو ته ووېشل شي.
د ده په وینا، دغه مرسته به د ښوونځیو د درسي اسانتیاوو په برابرولو کې مهم بدلون راولي او د زدهکوونکو لپاره به د زدهکړې فرصتونه ښه کړي.
حسیني له نورو مرستندویه بنسټونو غوښتنه وکړه چې د ښوونځیو د اړتیاوو پوره کولو برخه کې همکاري وکړي، څو د زدهکوونکو لپاره د زدهکړو مناسب چاپېریال او لازم امکانات برابر شي.
GET IN TOUCH
NEWSLETTER
SUGGEST A STORY
PAJHWOK MOBILE APP