کابل (پژواک، ۱۰ وږی ۱۴۰۴): د ټولګټو وزارت وایي چې د ۱۵۹ میلیون افغانیو په لګښت د بلخ له مرکز مزارشریف څخه د سمنګان ولایت دره صوف ته د غځېدلي سړک د بیارغونې چارې پیل شوې.
د ټولګټو وزارت ویاند محمداشرف حقشناس نن پر خپله اېکسپاڼه لیکلي، د مزارشریف – دره صوف سړک ۵۶.۳ کیلومتره اوږدوالی لري چې په بیارغونه یې ۱۵۹ میلیون افغانۍ لګښت راځي.
د ټولګټو وزارت ویاند دغهراز لیکلي چې په یاده پروژه کې د یو شمېر پلګوټو او استنادي دېوالونو د ترمیم او بیارغونې کارونه هم شامل دي چې د یوه کال په موده کې به بشپړ شي.
حقشناس وايي چې د یادې پروژې د چارو په بشپړیدو سره به د خلکو ترانسپورټي ستونزې د پخوا په پرتله هوارې شي او د کرنیزو او سوداګریزو توکو په چټک او خوندي انتقال کې به د پام وړ اسانتیاوې رامنځته شي.
GET IN TOUCH
NEWSLETTER
SUGGEST A STORY
PAJHWOK MOBILE APP