کابل (پژواک، ۱۱ سنبله ۱۴۰۴): د افغانستان د کرکټ ملي لوبډله په متحده عربي اماراتو کې د درې اړخیزې لوبلړۍ خپله درېیمه لوبه نن د پاکستان له لوبډلې سره ترسره کوي.
دغه لوبه چې په یاده لوبلړۍ کې د دواړو هېوادونو ترمنځ دویمه ده، د افغانستان پر وخت نن ماښام اووه نیمې بجې د متحده عربي امارات په شارجه لوبغاړي کې پیلېږي.
په لومړۍ لوبه کې پاکستان افغانستان ته د ۳۹ منډو په توپیر ماته ورکړه او تېره شپه افغانستان د متحده عربي اماراتو پر وړاندې د ۳۸ منډو په توپیر بریا خپله کړه.
د یادولو ده، دغه شلاوریزه درې اړخیزه لوبلړۍ به د افغانستان، پاکستان او متحده عربي اماراتو د کرکټ ملي لوبډلو ترمنځ د روانې وږي میاشتې تر ۱۶مې دوام وکړي.
GET IN TOUCH
NEWSLETTER
SUGGEST A STORY
PAJHWOK MOBILE APP