کابل (پژواک، ۲۱ وږی ۱۴۰۴): د ۲۰۲۵ کال د کرکټ اسیا جام شلاوریزو سیالیو په لړ کې نن د پاکستان او عمان ملي لوبډلو ترمنځ لوبه ترسره کېږي.
د ۲۰۲۵ کال اسیا جام شلاورېزې سیالۍ په متحده عربي اماراتو کې روانې دي چې د افغانستان په ګډون اته لوبډلې برخه پهکې لري.
د اسیا جام لومړۍ لوبه د افغانستان او هانګکانګ ترمنځ ترسره شوه چې افغان لوبډلې پهکې بریا خپله کړه. په دویمه لوبه کې هند د متحده عربي اماراتو لوبډله ماته کړه او په درېیمه سیالۍ کې تېره شپه بنګلهدېش د هانګکانګ پر وړاندې بریالی شو.
په متحده عربي اماراتو د پاکستان او عمان ترمنځ نننۍ لوبه د افغانستان پر وخت د ماښام اووه بجې پیلېږي.
د یادونې ده، د یادو سیالیو په «الف» ګروپ کې د هند، پاکستان، متحده عربي اماراتو او عمان لوبډلې شاملې دي او په «ب» ګروپ کې د افغانستان، بنګلهدېش، سریلانکا او هانګکانګ لوبډلې سره لوبېږي.
GET IN TOUCH
NEWSLETTER
SUGGEST A STORY
PAJHWOK MOBILE APP