کابل (پژواک، ۲۳ وږی ۱۴۰۴): د اسلامي امارت ویاند وایي، د سترې محکمې او پوهنې وزارت لپاره څلور نوي مرستیالان او د دارالإفتاء لوی ریاست او د سوېللوېدیځ زون تمیز ریاست د جزاء دیوان لپاره نوي ريیسان وګومارل شول.
د اسلامي امارت ویاند ذبیحالله مجاهد پر خپله اېکسپاڼه لیکلي چې دغه ګومارنې د مشرتابه د حکم له مخې شوي دي.
هغه لیکلي چې د ستري محکمې مخکنی قضايي معاون او د جنوبلوېدیځ زون د تمیز عالي ریاست رییس شیخ سردارمحمد ابوالفیضان د سترې محکمې د نظامي معاون په توګه، د مرکزي دارالإفتاء لوی ریاست مخکنی ريیس شیخ نورﷲ منیر د ستري محکمې د قضايي معاون په توګه، د پوهني وزارت د معلم د تربیې او عمومي تعلیماتو مخکنی معین شیخ سخاءﷲ سعید د ستري محکمې د اداري او مالي معاون په توګه او د ستري محکمې مخکنی اداري او مالي معاون شیخ عبدالمالک حقاني د پوهني وزارت د معلم د تربیې او عمومي تعلیماتو د معین په توګه ټاکل شوي دي.
هغه لیکلي چې دغهراز د سترې محکمې مخکنی نظامي معاون شیخ خیرجان خیرخواه د مرکزي دارالإفتاء د لوی ریاست د ريیس په توګه او د جنوبلوېدیځ زون د تمیز ریاست د جزاء دیوان مخکنی ريیس مولوي شرافالدین یاسیني د همدغه زون د تمیز د ريیس په توګه وټاکل شول.
