کندهار (پژواک، ۲۹ وږی ۱۴۰۴): د کندهار د کرنې، اوبولګولو او مالدارۍ ریاست وايي چې د دغه ولایت د په میوند ولسوالۍ کې د ۲۹۱ زره امریکایي ډالرو په لګښت د اوبو رسولو یو کانال جوړ او ګټې اخیستنې ته وسپارل شو.
د کرنې ریاست ویاند محمدحنیف حقمل د شنبې په ورځ پژواک ته وویل، دغه کانال د میوند ولسوالۍ په قباط کلي کې د ملګرو ملتونو د خوړو او کرنې نړۍوال سازمان (FAO) په مالي ملاتړ د ۲۹۱ زره امریکايي ډالرو په لګښت جوړ شوی دی.
نوموړي زیاته کړه، چې کانال ۵.۱ کیلومتره اوږدوالی او د ۶۳۰ هکټاره کرنیزو ځمکو خړوبولو ظرفیت لري.
د ده په وینا، د کانال له جوړېدو سره به څه باندې ۲۰۳۳ کورنۍ په مستقیم ډول د اوبو لګولو له اسانتیاوو برخمنې کېږي.
دا په داسې حال کې ده چې څو ورځې وړاندې هم د کندهار د نېښ ولسوالۍ په میانکوه سیمه کې د ۴،۴ میلیون افغانیو په لګښت یو بل کانال ګټې اخستنې ته سپارل شوی و.
GET IN TOUCH
NEWSLETTER
SUGGEST A STORY
PAJHWOK MOBILE APP