شبرغان (پژواک، ۱۰ میزان ۱۴۰۴): د جوزجان ولایت د کرنې، اوبولګولو او مالدارۍ ریاست خبر ورکوي چې په دغه ولایت کې کوچنیو څارویو ته د طاعون ناروغۍ د واکسین درېیم پړاو کمپاین پیل شوی چې په ترڅ کې به یې په مرکز او ولسوالیو کې ۸۰ زره دوزه واکسین تطبیق شي.
د جوزجان د کرنې، اوبولګولو او مالدارۍ ریاست د مالدارۍ خدمتونو او حیواني روغتیا امر ډاکټر سمیعالله حکیمي پژواک خبري اژانس ته وویل چې یاد پروګرام د ملګرو ملتونو د خوړو او کرنې سازمان (اېفاېاو) په همکارۍ د جوزجان په مرکز او لسو ولسوالیو کې تطبیقېږي.
د هغه په وینا، په یاد کمپاین کې چې ۲۵ ورځې به دوام وکړي، د جوزجان په مرکز او لسو ولسوالیو کې کوچنیو څارویو ته ۸۰ زره دوزه واکسین تطبیق شي څو د حیواني ناروغیو د خپرېدو مخنیوی وشي.
GET IN TOUCH
NEWSLETTER
SUGGEST A STORY
PAJHWOK MOBILE APP