کابل (پژواک، ۱۱ تله ۱۴۰۴): د افغانستان کرکټ ملي لوبډله له بنګلهدېش سره د درېیو شلاوریزو سیالیو په لړ کې نن خپله دویمه لوبه ترسره کوي.
د افغانستان کرکټ بورډ وایي چې افغان اتلان به نن د افغانستان پر مهال د ماښام ۷:۰۰ بجې د اتصالات جام شلاوریزې لوبلړۍ په دویمه لوبه کې د بنګلهدېش لوبډلې پر وړاندې د سیالۍ ډګر ته کښته شي.
افغان لوبډلې د بنګلهدېش پر وړاندې د روانې شلاوریزې لوبلړۍ لومړۍ لوبه تېره ورځ د ۴ وېکټو په توپیر وبایله.
په دې لوبه کې افغان لوبډلې په ټاکلو شلو اورونو کې د ۹ لوبغاړو په سوځېدو ۱۵۱ منډې وکړې خو بنګلهدېش لوبډلې ورکړل شوی هدف په ۱۹م اور کې د شپږو لوبغاړو په سوځېدو پوره کړ.
د کرکټ بورډ د معلوماتو له مخې، افغانستان به له بنګلهدېش سره خپله درېیمه لوبه د اکټوبر په پنځمه ترسره کړي.
دغهرار، افغان لوبډله به له دغو شلاوریزو لوبو وروسته له بنګلهدېش سره د درېیو یو ورځنیو لوبو لړۍ هم ترسره کړي چې لومړی لوبه به یې د اکټوبر په ۸مه، دویمه د اکټوبر په ۱۱مه او درېیمه لوبه به بیا د همدې میاشتې په ۱۴مه وي.
GET IN TOUCH
NEWSLETTER
SUGGEST A STORY
PAJHWOK MOBILE APP