کابل (پژواک، ۳۰ تله ۱۴۰۴): د افغانستان د والیبال ملي لوبډله د اسیا مرکزي زون اتلولۍ سیالیو کې خپله لومړۍ لوبه نن له سریلانکا سره ترسره کوي.
د اسیا د مرکزي زون د والیبال د اتلولۍ سیالۍ د افغانستان په ګډون د شپږو هېوادونو ترمنځ نن د بنګلهدېش په پلازمېنه ډاکه کې پیلېږي.
د افغانستان د والیبال فدراسیون د معلوماتو له مخې، د دغو سیالیو لومړۍ لوبه به د ترکمنستان او نیپال ترمنځ، دویمه به د افغانستان او سریلانکا او درېیمه لوبه به د بنګلهدېش او مالدیف لوبډلو ترمنځ ترسره شي.
د افغانستان او سریلانکا ترمنځ لوبه به د افغانستان پر وخت له غرمې مخکې ۱۱:۳۰ بجي پیل وشي.
د یادونې ده، د اسیا د مرکزي زون د والیبال اتلولۍ سیالۍ د اکټوبر په ۲۸مه پای رسېږي.
GET IN TOUCH
NEWSLETTER
SUGGEST A STORY
PAJHWOK MOBILE APP