هرات (پژواک، د لړم لومړې نېټه ۱۴۰۴): هرات کې ځايي مسوولین وايي چې د دغه ولایت په زندهجان ولسوالۍ کې د شاوخوا لس میلیون افغانیو په لګښت د څښاک اوبو رسولو شبکې د جوړېدو چارې پیل شوې.
د هرات د ولایت مقام ویاند مفتي محمدیوسف سعیدي وايي چې د دغه ولایت د زندهجان ولسوالۍ په ګلوګه کلي کې د شاوخوا لس میلیونه افغانیو په لګښت د څښاک پاکو اوبو پروژې چارې د ځايي چارواکو په حضور کې پيل شوې.
نوموړي دغهراز زیاته کړه یادو پروژو کې د ۱۴۰ مترو په ژوروالي د یوې څاه کيندل، د ۱۵۹ شیردهنونو لګول، د ۶۰ مترمکعب په ظرفیت د اوبو یوې ذخیرې جوړول، د ۱۴۹۳۵ متر په اوږدوالي پیپ غځول او د ۳۰ سولري تختو لګول شامل دي.
د هرات ولایت مقام ویاند وویل چې یاده پروژه کې لسګونه ځايي اوسېدونکو ته د کار زمینه برابره شوې او په بشپړېدو به یې ۴۱۲ کورنۍ د څښاک پاکو اوبو ته لاسرسی پيدا کړي.
GET IN TOUCH
NEWSLETTER
SUGGEST A STORY
PAJHWOK MOBILE APP