کابل (پژواک، ۱۲ لړم ۱۴۰۴): د المپیک ملي کمېټه وایي چې د کابل ښار د ۳۰ کلبونو د ۱۰۰ ورزشکارانو ترمنځ د واکو کېک بوکسینګ دویم پړاو ټاکنیزې سیالۍ پیل شوې.
د المپیک، بدني روزنې او ورزش عمومي ریاست نن په یوه خبرپاڼه کې لیکلي، د کابل د بدني روزنې او ورزش له رياست سره په همغږۍ د کېک بوکسينګ ملي فدراسيون له لوري د کابل ښار د ۳۰ کلبونو د ۱۰۰ ورزشکارانو ترمنځ د واکو کېک بوکسينګ دويم پړاو ټاکنيزې سيالۍ پیل شوې.
سرچینې لیکلي چې دغه سیالۍ د لویانو سني کټګورۍ کې په ۱۱ بېلابېلو وزنونو کې ترسره کېږي چې دوه ورځې به دوام ولري.
د المپیک د معلوماتو له مخې، د یادو سیالیو په پای کې به ۲۲ ورزشکاران د کابل ولایت د واکو کېک بوکسینګ منتخبې لوبډلې لپاره غوره شي.
GET IN TOUCH
NEWSLETTER
SUGGEST A STORY
PAJHWOK MOBILE APP