ايبک (پژواک، ۲۴ لړم ۱۴۰۴): د سمنګان امنیه قوماندانی وايي چې د دغه ولایت د مرکز اړوند د رباتک کوتل سیمه کې په یوه ترافیکي پېښه کې دوه کسان مړه او درې نور ټپیان شوي دي.
د سمنګان د امنیې قوماندانۍ ویاند حشمتالله رحماني ویلي چې دا پېښه نن (شنبه) له غرمې وروسته د یوه فلاینکوچ او پاسو موټرو د ټکر له امله شوې ده.
رحماني زیاته کړه، په یاده پېښه کې دوو ښځو ژوند له لاسه ورکړی او درې نور کسان ټپیان شوي دي.
نوموړي څرګنده کړه چې د سمنګان د امنیې قوماندانۍ د ترافیکي حادثات ټیم سیمې ته استول شوی او ټپیان یې د درملنې لپاره د بغلان ولایتي روغتون ته لېږدولي دي.
بلخوا، د سمنګان د امنیې قوماندانۍ د ترافیکو مدیریت مسوولینو د دې پېښې لامل د چلوونکو بېاحتیاطي بللې ده.
GET IN TOUCH
NEWSLETTER
SUGGEST A STORY
PAJHWOK MOBILE APP