کابل (پژواک، ۲۲ ليندۍ ۱۴۰۴): د المپيک، بدني روزنې او ورزش عمومي رياست وايي چې د هېواد درېکسيزه لوبډله د ګلف ۲۰۲۵ کال اسيايي سياليو کې د ګډون په موخه بنګلهدېش ته ولاړه.
د هېواد د المپيک، بدني روزنې او ورزش عمومي رياست په خبرپاڼه کې راغلي چې د یاد ریاست په همکارۍ د ګلف فدراسيون درېکسيزه لوبډله د ۲۰۲۵ کال اماتور ۳۹ پړاو اسيايي سياليو کې د ګډون په موخه – چې د بنګلهدېش د پلازمېنې ډاکا ښار د کورميتولا کلب کې ترسره کېږي – ياد هېواد ته روانه شوه.
سرچينه لیکي، په يادو سياليو کې د هېواد په استازولۍ د ګلف فدراسيون سکرټر جنرال احمد مرتضی حببيبيار د لوبډلې د مدیر، نوراحمد فاضل او حشمتالله سروري د لوبغاړو په توګه ګډون کوي.
د یاد ریاست د معلوماتو له مخې، په دغو سياليو کې د افغانستان ترڅنګ د پاکستان، چين، بوتان، نيپال، سرېلانکا، ټايلنډ، هندوستان، سوېلي کوريا، ويتنام، هانګکانګ او کوربه بنګلهدېش هېوادونو لوبغاړي ګډون کوي چې د روانې ميلادي مياشتې په ۱۶مه پيلېږي او تر ۱۹مې به دوام ومومي.
GET IN TOUCH
NEWSLETTER
SUGGEST A STORY
PAJHWOK MOBILE APP