غزنيښار (پژواک، ۲۴ لېندۍ ۱۴۰۴): د غزني امنیتي مسوولین وایي چې د دغه ولایت په اببند ولسوالۍ کې د یوې ترافیکي پېښې له امله دوو کسانو ژوند له لاسه ورکړی او دوه نور ټپيان شوي دي.
د غزني امنیه قومانداني وایي چې دغه پېښه پرون د دغه ولایت د اببند ولسوالۍ اړوند په «سپینبند» سیمه کې د کابل – کندهار پر لویه لاره د دوو مسافر وړونکو موټرو د ټکر له امله شوې ده.
سرچینې زیاته کړې چې په پېښه کې دواړو موټر چلوونکو ژوند له لاسه ورکړی او دوه ښځې ټپیان شوې دي.
سرچینې لیکلي چې د پېښې ټپیان روغتون ته لېږدول شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP