کابل (پژواک، ۱۷ مرغومې ۱۴۰۴): د ملګرو ملتونو د بشري حقونو عالي کمېشنرۍ د امریکا له برید وروسته د وینزویلا د وضعیت په اړه اندېښنه څرګنده کړې، وایي دولتونه باید د هېڅ هېواد د ځمکنۍ بشپړتیا او خپلواکۍ پر وړاندې له ګواښ او زور کار وانهخلي.
امریکا متحده ایالتونو د مرغومې په ۱۳مه تر یوه برید وروسته، د وینزویلا ولسمشر نیکولاس مادورو او د هغه مېرمن ونیول او نیویارک ته یې ولیږدول. مادورو یې د نشهیي توکو پر قاچاق تورن کړی.
د ملګرو ملتونو د بشري حقونو عالي کمېشنرۍ په یوه اعلامیه کې ویلي چې پر وینزویلا د امریکا برید د نړیوالو حقونو بنسټیز اصول کمزوري کړي دي.
سرچینه زیاتوي چې امریکا پر وینزویلا خپل برید د ځینو مسایلو پر بنسټ توجیه کوي، خو د بشري حقونو د سرغړونو په اړه حسابورکول د پوځي مداخلې او د نړیوالو حقونو د نقض له لارې نه شي تر لاسه کېدای.
یاد بنسټ ټینګار کړی چې د وینزویلا راتلونکی باید یوازې د دغه هېواد د خلکو له لوري وټاکل شي.
GET IN TOUCH
NEWSLETTER
SUGGEST A STORY
PAJHWOK MOBILE APP