کابل (پژواک، ۱۸ مرغومی ۱۴۰۴): د ا.ا ویاند وایي، د اوبو او انرژۍ او د کلیو بیارغوني او پراختیا وزارتونو ته وزیران، د ټولګټو وزارت ته مالي او اداري معین او د برېښنا شرکت او بهرنیو چارو وزارت د تشریفاتو ریاستونو ته رییسان وټاکل شول.
د اسلامي امارت ویاند ذبیحالله مجاهد پر خپله اېکسپاڼه لیکلي چې د اسلامي امارت د مشرتابه د حکم له مخې، د اوبو او انرژۍ وزارت مخکنی وزیر ملا عبداللطیف منصور د کلیو بیارغونې او پراختیا د وزیر او د کلیو بیارغونې او پراختیا مخکنی وزیر ملا محمدیونس اخندزاده د اوبو او انرژۍ د وزیر په توګه ټاکل شوي دي.
دغهراز، هغه لیکلي چې د ټولګټو وزارت مخکنی مالي او اداري معین ملا عبدالحق همکار د افغانستان برېښنا شرکت د عمومي رییس، د اطلاعات او فرهنګ وزارت د ځوانانو مخکنی معین قاري محمدیونس راشد د ټولګټو وزارت د مالي او اداري معین په توګه او د افغانستان برېښنا شرکت مخکنی عمومي رییس ډاکټر عبدالباري عمر د بهرنیو چارو وزارت د تشریفاتو د رییس په توګه ګومارل شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP