کابل (پژواک، ۲۹ مرغومې ۱۴۰۴): د افغانستان د کرکټ ملي لوبډله له ویسټاندیز سره د شلاوریزې لوبلړۍ لومړۍ لوبه نن ترسره کوي.
دغه شلاوریزه لوبلړۍ په متحده عربي اماراتو کې د افغانستان په کوربهتوب ترسره کېږي.
د افغانستان کرکټ بورډ ویلي چې ملي لوبډله له ویسټانډیز سره د شلاوریزې لوبلړۍ لومړۍ لوبه نن ترسره کوي.
کرکټ بورډ ویلي، دغه سیالۍ به د افغانستان پر وخت ماښام ۷ بجې د متحده عربي اماراتو د دوبۍ نړۍوال کرکټ لوبغالي کې ترسره شي.
دغهراز، د افغانستان د کرکټ ملي لوبډله به د دې لوبلړۍ دویمه لوبه د روانې جنورۍ میاشتې په ۲۱مه او درېیمه به د همدې میاشتې په ۲۲مه ترسره کړي.
GET IN TOUCH
NEWSLETTER
SUGGEST A STORY
PAJHWOK MOBILE APP