د کرکټ له ۱۹ کلنو د کم‌عمرو نړۍوال جام دویم پړاو سیالۍ؛ افغانستان نن له ایرلینډ سره لوبه کوي

کابل (پژواک، ۱۰ سلواغه ۱۴۰۴): له ۱۹ کلنو د کم‌عمره لوبډلو نړۍوال جام سیالیو په دویم پړاو کې افغانستان نن له ایرلینډ سره خپله دویمه لوبه ترسره کوي.

له ۱۹ کلنو د کم‌عمره لوبډلو پنځوس‌اوریز نړۍوال جام سیالۍ د زمبابوې او نمیبیا په کوربه‌توب روانې دي.

د افغانستان کرکټ بورډ ویلي چې افغان لوبډله له ۱۹ کلنو د کم‌عمره لوبډلو نړۍوال جام په دویم پړاو سیالیو کې نن غرمه ۱۲ بجې له ایرلینډ سره لوبه ترسره کوي.

د افغانستان او ایرلینډ ترمنځ لوبه په زمبابوې کې ترسره کېږي.

دغه راز افغان لوبډلې له ۱۹ کلنو د کم‌عمره لوبډلو نړۍوال جام سیالیو په دویم پړاو کې خپله لومړۍ لوبه سریلانکا ته بایللې ده.