غزنيښار (پژواک، ۲۱ سلواغه ۱۴۰۴): د غزني ولایت د مرکز اړوند په نواباد ساحه کې د ۲۶ لوبغاړو ترمنځ د غشي وېشتلو سیالۍ د «البدر لوبډلې» په اتلولۍ پای ته ورسېدې.
د غزني د بدني روزنې او المپیک امر بلال مجاهد پژواک ته وویل، دا سیالۍ د پنځو لوبډلو په ګډون د غشي وېشتلو فدراسیون له لوري جوړې شوې وې.
هغه زیاته کړه چې د سیالیو د وروستیو پایلو له مخې، د البدر لوبډلې د ۳۱۳ امتیازونو په ترلاسه کولو سره لومړی مقام خپل کړ.
دی وایي چې د جاغوري ولسوالۍ د پیمان لوبډلې د ۲۳۸ امتیازونو په ګټلو سره دویم مقام ترلاسه کړ.
د هغه په خبره، یادې سیالۍ د لوبغاړو د هڅونې، د غشي وېشتلو د ودې او د دودیزو او سیمهییزو لوبو د پراختیا په موخه ترسره شوې.
د یادو سیالیو په پای کې د اړوندې ورزشي څانګې د مسوولینو له لوري غوره لوبغاړو ته ستاینلیکونه او ډالۍ هم ووېشل شول.
GET IN TOUCH
NEWSLETTER
SUGGEST A STORY
PAJHWOK MOBILE APP