غزنيښار (پژواک، ۲۱ سلواغه ۱۴۰۴): د غزني امنیه قومانداني وایي چې د دغه ولایت د مرکز مربوطاتو کې د کابل – کندهار پر لویه لار د ترافیکي پېښې له امله دوو کسانو ژوند له لاسه ورکړی او څلور نور ټپيان شوي دي.
د غزني د امنیې قوماندانۍ خبرپاڼه کې راغلي چې دغه پېښه تېره شپه د دغه ولایت د مرکز اړوند ساحه د روضې کوتل سیمه د کابل – کندهار پر لویه لار د یوه رنجر او ۵۸۰ موټرو د ټکر له امله شوې ده.
سرچینه زیاتوي چې په پېښه کې د رنجر دوو سپرلیو ژوند له لاسه ورکړی او په ۵۸۰ موټر کې هم څلور کسان ټپیان شوي دي.
امنیې قومانداني لیکلي چې د پېښې ټپيان روغتیایي مرکز ته لېږل شوي دي.
