یمن کې د ترافیکي پېښې له امله ۱۶ کسانو ژوند له لاسه ورکړی

کابل (پژواک، ۶ کب ۱۴۰۴): د راپورونو له مخې، په یمن کې د یوې ترافیکي پېښې له امله د ښځو او ماشومانو په ګډون ۱۶ کسانو ژوند له لاسه ورکړی دی.

د الجزیرې د راپور له مخې، ‎یاده پېښه تېره ورځ د جنوبي یمن د المحفد ولسوالۍ د لحمر په سیمه کې د یوه مسافر وړونکي بس او لارۍ د ټکر له امله رامنځته شوې ده.

راپور کې راغلي چې‎ چې په دغه ترافیکي پېښه کې د اتو ښځو او ماشومانو په ګډون لږ تر لږه ۱۶ کسانو ژوند له لاسه ورکړی دی.

سرچینې زیاته کړې، د ټکر وروسته اورلګېدنه رامنځته شوې، چې له امله یې بس په بشپړه توګه سوځېدلی او د سپرلیو له ډلې هېڅوک ژوندي نه دي پاتې شوي.

په راپور کې راغلي چې د یاده پېښه‎ په وروستیو کلونو کې په یمن کې دوېیمه تر ټولو خونړۍ ترافیکي پېښه بلل شوې او تر دې دمه په ۲۰۲۶ کال کې تر ټولو مرګونې پېښه ده.