کابل (پژواک، ۲۶ کب ۱۴۰۴): د اسلامي امارت مرستیال ویاند وایي، د کابل ښار نهمې امنیتي حوزې اړوند سیمه کې د معتادینو پر شفاخانه د پاکستان پوځي رژیم برید له امله تر دې مهال د شهیدانو شمېر ۴۰۰ کسانو ته رسېدلی او تر ۲۵۰ نور ټپيان دي.
د اسلامي امارت مرستیال ویاند، ملا حمدالله فطرت پر خپله اېکسپاڼه لیکلي چې دغه برید تېره شپه شاوخوا نهه بجې د امید په نوم د معتادینو د درملنې پر ۲زره بستریز روغتون شوی او د روغتون زیاتې برخې له منځه تللي دي.
هغه لیکلي چې تر اټکل د زياتو تلفاتو ويره شته، د شهيدانو شمېر تر دې مهاله ۴۰۰ تنو ته رسېدلی او تر ۲۵۰ پورې نور ټپيان شوي.
د اسلامي امارت ویاند ذبیحالله مجاهد پر خپله اېکسپاڼه لیکلي: «دغه جنایت په کلکو ټکو غندو او دا ډول عمل د ټولو منل شوو اصولو خلاف بشر ضد عمل بولو.»
د پاکستان پوځي رژیم دغه په کور د ننه او بهر په سختو ټکو غندل شوی دی.
GET IN TOUCH
NEWSLETTER
SUGGEST A STORY
PAJHWOK MOBILE APP