ټولنه

د خوست ښار يو شمېر اوسېدونکي د خوراکي توکو بيو له لوړوالي شکايت کوي او له اړوند مسوولينو یې د کنټرول غوښتنه کوي.

سیمه‌ییز مسوولین وایي، په فراه، اروزګان، دایکنډي او سمنګان ولایتونو کې له څه باندې ۹۵۰۰ کورنیو سره د خوراکي توکو او پنجشېر او لوګر ولایتونو کې له دوه زره کورنیو سره نغدي مرستې وشوې.

د امربالمعروف، نهی عن المنکر او د شکایتونو اورېدلو وزارت وایي، د خلکو شکایتونو ته د رسېدنې په موخه د اسلامي امارت د مشرتابه له لوري د شکایتونو اورېدلو قانون توشیح شو.

د بلخ ځایي مسوولین وايي چې د دغه ولایت له مرکز مزارشریف ښاره ټول شوي څه باندې ۲۰۰ کارګر ماشومان له فني او حرفوي زده‌کړو فارغ شول.

د ننګرهار د کلیو بیارغونې او پراختیا ریاست وایي، د دغه ولایت په دوربابا او هسکه مېنه ولسوالیو کې یې له ۲۴۰۹ کورنیو سره د خوراکي توکو مرسته کړې ده.

کندوز ولایت کې د دوو کورنیو ترمنځ څلور کلنه دښمني د ځايي مسوولینو او قومي مخور په منځګړیتوب پای ته ورسېده.

د دایکنډي ولایت یو شمېر سیمو خلک پاکو اوبو ته له نه لاسرسي شکایت لري، مسوولین هم وايي چې د دغه ولایت یوازې ۴۰ سلنه اوسېدونکي د څښاک پاکو اوبو ته لاسرسی لري.

د احصایې او معلوماتو ملي اداره وايي چې په تېر ۱۴۰۲ کال کې تر ۳،۱ ميليون ډېرې برېښنايي پېژندپاڼې وېشل شوې او دا مهال په ټول هېواد کې نږدې ۱۲.۹ ميليون کسان برېښنايي پېژندپاڼې لري.

د عدلیې وزارت وایي چې له ۸۰ کسانو یې د تقنیني ستاژ د اووم پړاو ازموینه اخیستې ده.

د کابل پوهنتون د ځمک‌پوهنې پوهنځي د هایډرولوژي څانګې د معلوماتو له مخې، تېرو څلورو لسیزو کې د افغانستان د اوبو سرچینې د اقلیمې بدلونونو له امله له خطر سره مخ شوې دي او دغه راز په تېرو پنځو کالونو کې کابل کې د ځمکې لاندې اوبو کچه په منځني ډول ۱۵ متره ټېټه شوې ده.

د بادغیس د مرکز قلعه‌نو ښار ځینې اوسېدوني په داسې حال کې په دغه ولایت کې د غوړو او بورې د بیو له لوړېدو شکایت کوي چې د یاد ولایت ښاروالي د لومړنیو توکو د بیو کنټرول لپاره د یوې کمېټې له جوړېدو خبر وکوي.

د ترینکوټ ښار اړوند چنار سیمې اوسېدونکي وایي، مخابراتي خدمتونو ته لاسرسی نه‌لري چې له امله یې له ګنو ستونزو سره مخ دي.