نړیوال خبرونه

د راپورونو پر بنسټ، د بلوچستان په مستونګ سیمه کې د یوې چاودنې له امله پنځه کسان وژل شوي دي.

د راپورونو پر بنسټ، په اسپانیا کې د سېلابونو راتلو له امله د مړه شوو کسانو شمېر ۱۵۸ ته رسېدلی او نامعلوم شمېر کسان لا هم  نادرکه دي.

هسپانیه کې چارواکو ویلي چې د دغه هېواد د والنسیا ښار په ختیځ سیمه کې د سېلابونو راوتلو له امله ۹۵ کسان مړه شوي دي.

الجزیرې راپور ورکړی چې تېره ورځ په غزه کې د اسرائیلو په بریدونو کې ۱۴۳ تنه فلسطینیانو ژوند بایللی دی.

د اسرائیلو پارلمان داسې یو قانون تصویب کړی چې له مخې یې له فلسطیني کډوالو د م.م د ملاتړ ادارې فعالیت درول کېږي، خو ملګرو ملتونو دغه کار له نړۍوال قوانینو سرغړونه بللې او وایي چې دغه پرېکړه به بدې پایلې ولري.

فیلیپین کې د سېلابونو راتلو او ځمک‌ښویېدنې پېښو کې ۸۵ کسان مړه او ۴۱ نور نادرکه شوي دي.

د مکسیکو ځايي چارواکي وايي چې د دغه هېواد په شمال کې د یو باروړونکي او یو مسافروړونکي بس ترمنځ د ټکر له امله ۱۹ کسانو ژوند له لاسه ورکړی او شپږ نور ټپیان شوي دي.

د غزې روغتيايي چارواکي وايي، په تېرو ۴۸ ساعتونو کې د اسرائیل بریدونو کې د ښځو او ماشومانو په ګډون ۷۷ فلسطینیانو خپل ژوند له لاسه ورکړی او ۲۸۹ نور ټپيان شوي دي.

اسراییل وايي چې تېره شپه یې په ایران کې د توغندیو جوړولو مرکزونه او د هوا دفاعي سیسټمونه په نښه کړي او په ایران کې سرچینو هم څرګنده کړې چې د دغه هېواد د درېیو ولایتونو ړ نظامي مرکزونو ځینې برخې په نښه شوې چې په کې د پوځ دوه سرتېري وژل شوي دي.

اسراییل اعلان کړی چې د ایران ځیني نظامي مرکزونه یې په نښه کړي خو د ایران تسنیم اژانس وايي، یادو بریدونو کې دومره زیان نه دی خو په تهران کې هیڅ نظامي مرکز نه دی په نښه شوی.

د امریکا د بهرنیو چارو وزیر قطر ته د خپل سفر په ترڅ کې د فلسطین له خلکو سره ۱۳۵ میلیون ډالر مرسته اعلان کړه.

د راپورونو له مخې، د غزې په شمال کې د کډوالو پر «جبالیا» پنډغالي د اسراییل په هوايي بریدونو کې ۱۵۰ کسانو ته مرګ‌ژوبله اوښتې ده.‌