احمدشاه عرفانیار

د اسلامي همکاریو سازمان اعلان کړی چې «د اسماعیل هنیه د ترور په ګډون د اسراییل د جنایتونو» د دوام د څېړلو په موخه سبا د دغه سازمان د بهرنیو چارو وزیرانو فوق‌العاده غونډه جوړېږي.

د کډوالو چارو وزارت، د کډوالۍ نړۍوال سازمان هغه راپور چې ګواکې له ۲۰۲۰ کال راهیسې نږدې اته میلیونه افغانان بهر ته کډوال شوي، ردوي او وایي، ځینې ادارې د دې لپاره چې د تمویلوونکو پام جلب کړي د افغانستان په اړه ناسم معلومات خپروي.

د بنګله‌دېش لومړۍ وزیرې شیخ حسینه وروسته له هغه استعفا کړې او په یوه چورلکه کې هند ته تللې چې پر ضد یې خونړي احتجاجونه وشول او د هغې د استعفا غوښتونکي لاریونوال له پولیسو سره په اخ او ډب واوښتل.

تېره اونۍ، بهرنیو چارو وزارت په بهر کې د ۱۴ استازولیو قونسلي خدمات بې‌اعتباره اعلان کړل، ورپسې د څلورو استازولیو وېب‌پاڼې بندې شوې، بېلابېلو افغان چارواکو د دیني او عصري زده‌کړو پر اړتیا ټینګار وکړ او ا.ا د ښځو حقونو په اړه د یوناما اندېښنه بې‌ځایه وبلله.

ا.ا وایي، د حماس غورځنګ سیاسي مشر اسماعیل هنیه چې تهران کې یې په یو برید کې ژوند بایلود، یو مسلمان، هوښیار او مدبر فسلطیني مشر و چې سترې قربانۍ یې ورکړې او په دې لاره کې یې خپل نذر پوره کړ.

حماس غورځنګ اعلان کړی چې د دغه غورځنګ د سیاسي دفتر مشر اسماعیل هنیه په تهران کې د هغه د اوسېدو پر ځای «د صهیونیستی دښمن په جنایتکارنه» برید کې ژوند له لاسه ورکړی دی.

د بلوڅانو د یووالي شورا وايي، د بلوچستان په ګواډر سیمه کې د بلوڅو پر «سوله‌ییز لاریون» د پاکستان پوځ په ډزو کې «ګڼ شمېر کسان» ټپيان شوي، خو ځایي حکومت ویلي چې د دې شورا کسانو په ډزو کې یو امنیتي کس وژل شوی او ۱۶ نور ټپیان دي.

د افغانستان ملي دفاع وزارت وایي، هغه مکتوب جعلي دی چې ځینو رسنیو خپور کړی او له مخې یې ادعا کړې چې د چین په همکارۍ په بګرام کې د بې‌پیلوټه الوتکو ضد سیستم فعالېږي. 

د میدان‌وردګو په سیداباد ولسوالۍ کې د یو ۵۸۰ ډوله موټر چپه کېدو پېښه کې ۱۹ کسان ټپیان شوي.

تېره اونۍ اسټرالیا وویل چې افغانستان کې د جنګي جنایتونو د قربانیانو کورنیو ته غرامت ورکوي، د بشري حقونو د څار سازمان افغانستان کې پر ښځو د لګول شوو محدودیتونو د لرې کېدو غوښتنه وکړه او د کار ملي کنفرانس کې ۱.۴ میلیون کسانو ته د کارموندنې ژمنه وشوه.

د ازموینو ملي ادارې مشر وایي، اوسمهال د دې اړتیا ليدل کېږي چې ښوونځيو او پوهنتونونو ته پاملرنه زیاته شي څو د هېواد بېلابېلو برخو کې پرمختګونه رامنځته شي.

د سرحدونو، قومونو او قبایلو چارو وزارت وایي چې یوه پلاوي یې د بدخشان په درېیو ولسوالیو کې د ډيورنډ فرضي کرښې او رسمي سرحدونو ارزونه کړې ده.