احمد صهیب حسرت

په پاکستان کې یوې محکمې د دغه هېواد د پخواني لومړي وزیر عمران خان ۶۰ غیرنظامي ملاتړي له دوو تر لسو کلونو په حبس محکوم کړي.

د هند پخوانی لومړی وزیر من‌موهن سېنګ د ۹۲ کلونو په عمر ومړ او د افغانستان پخواني ولسمشر حامد کرزي هم د سېنګ پر مړینه خواشیني ښودلې او ویلي يې دي چې هغه د افغان ولس ملګری او متحد و.

د افغانستان بهرنیو چارو وزارت وایي، په کابل کې یې د پاکستان شارژدافیر احضار کړ او د پکتیکا ولایت برمل ولسوالۍ په سیمه کې د پاکستان بریدونو له امله یې ورته خپل شدید احتجاج‌لیک وسپاره.

د لوړو زده‌کړو وزارت وایي، د اسلامي امارت د مشرتابه له لوري د پوهنتونونو هغو استادانو ته چې په ولایتونو کې په تدریس بوخت او مسافر دي، اعاشه او د استوګنې ځای منظور شو.

د اسلامي امارت ویاند وایي، د پکتیکا ولایت برمل ولسوالۍ کې تېره شپه پاکستان پر څلورو ځایونو بریدونه کړی چې له امله یې ۴۶ کسانو خپل ژوند له لاسه ورکړی او شپږ نور ټپیان دي.

یو شمېر افغان سیاستوالو د پکتیکا پر برمل ولسوالۍ د پاکستان هوایي برید پر سختو ټکو غندلی او دغه برید یې د افغانستان د حاکمیت نقض او د ټولو ملي او نړۍوالو اصولو خلاف عمل ګڼلی دی.

ملي دفاع وزارت وایي، د پکتیکا برمل ولسوالۍ اړوند سیمه کې د پاکستاني ځواکونو له خوا برید شوی او اسلامي امارت به دا برید بې‌ځوابه پرېنږدي.

د ریاست الوزراء سیاسي مرستیال بغلان ولایت کې یوې غونډې ته ویلي، اسلامي امارت په علمي او پراختیایي چارو کې د پرمختګ هڅې پیل کړې دي او په تدریجي ډول به د ولس ستونزې حل شي.

د بهرنیو چارو سرپرست وزیر د پاکستان له ځانګړي استازي سره په ليدنه کې ویلي چې د افغانستان او پاکستان ترمنځ سوداګري هغه مهال لا وده کولای شي چې د دواړو هېوادونو د اتباعو ترمنځ د تګ راتګ په برخه کې شته ستونزې هوارې شي.

د ملګرو ملتونو پراختیايي اداره وایي، د جاپان په مالي ملاتړ یې په بلخ او اروزګان ولایتونو کې د کلیوالي سیمو خلکو د ملاتړ لپاره یو کلن پروګرام پیل کړی دی.

د اسلامي امارت مرستیال ویاند وایي، د سلطان محمود غزنوي په اړه د پاکستان د دفاع وزیر بې‌مسوولیته خبرې ردوي او دا له تاریخي واقعیتونو څخه د هغه نا خبري بولي.

د امریکا پوځ وايي، یمن کې یې د سور سمندر د پاسه په خطا سره خپله یوه جنګي جټ الوتکه ویشتلې اود الوتکې د عملې دواړو غړو د پراشوټ له لارې ځانونه ژغورلي، خو یو یې برسېرن ټپي شوی دی.