خواجه نصیراحمد صدیقی

د ریاست‌الوزرا سیاسي مرستیال د یو شمېر ولایتونو له قومي مشرانو او علماوو سره په ليدنه کې ویلي، د اسلامي نظام د ټينګښت لپاره ټولو افغانانو قرباني ورکړې او هر افغان له تبعیض پرته په کې ځان لیدلی شي.

د امریکا او اوکراین ولسمشرانو د روسیې د ګواښونو پر وړاندې د اوکراین د دفاع پیاوړي کولو په موخه یو دوه اړخیز لس کلن هوکړه‌لیک لاسلیک کړ.

د اسلامي امارت مشر په اختريز پيغام کې د ټولو حقونو ته پر ژمنیا او د پرمختګونو لپاره پر یوالي ټینګار کړی، له پانګوالو يې هېواد کې د پانګونې غوښتنه کړې، وايي ا.ا له نړۍ سره د شریعت په چوکاټ کې اړيکې غواړي.

اروپايي ټولنې له ایران او پاکستانه د راستنېدونکو افغان کډوالو د ملاتړ په موخه د کډوالۍ له نړۍوال سازمان سره د ۱۷ میلیونه یورو په ارزښت د همکارۍ هوکړه‌لیک لاسلیک کړی دی.

ایراني رسنیو راپور ورکړئ، د دغه هېواد د سرحدي ځواکونو شپږ سرتیري چې پرون د اسلامي امارت ځواکونه له لورې نیول شوي وو، بېرته خوشې شول.

د قزاقستان د لومړي وزیر مرستیال د ریاست الوزراء له سیاسي مرستیال سره لیدنه کې ویلي، دوی د اسلامي امارت لاسته راوړنې څاري او قزاقي سوداګر او پانګه‌وال لېواله دي چې افغانستان کې پانګونه وکړي.

د ریاست الوزراء سیاسي مرستیال د ایران له ځانګړي استازي او سفیر سره په لیدنه کې ویلي، ګاونډي هېوادونه دې د افغان کډوالو ایستلو برخه کې له نرمښت او زغم کار واخلي او ستونزو ته یې دې رسیدنه وشي.

عدلیې وزارت وایي، په دې وروستیو کې د یو شمېر سیاسي بنسټونو مسوولینو د خپلو لغوه شوو ګوندونو له ادرسونو دریځ‌نیونې او ځینې کړنې ترسره کړې چې د تکرار په صورت کې به ورسره قانوني او شرعي چلند وشي.

د ریاست الوزراء اداري مرستیال د اذربایجان له سفیر سره لیدنه کې د دوه اړخیزو اړیکو پر پیاوړتیا او پراختیا ټينګار کړی او یلي یې دي چې اسلامي امارت د نړۍ له ټولو هېوادونو سره نېکې او ښې اړیکې غواړي.

د اطلاعاتو او فرهنګ وزارت وایي چې د عینک مسو کان د قراردادی شرکت نوي مشر د دغه وزارت د فرهنګ او هنر له معین سره په لیدنه کې ویلي چې د عینک مسو کان د کیندنې پروژه د تاریخي اثارو د خوندیتوب په پام کې نیولو سره پیلېږي.

کورنیو چارو وزارت وایي، د اېټالیا سفیرې د دغه وزارت د نشه‌يي توکو پروړاندې د مبارزې له معین سره په لیدنه کې، افغانستان کې د کروندګرو لپاره د بدیل معیشت او  روږدو کسانو درملنې برخو کې د همکارۍ ډاډ ورکړ.

د ترانسپورټ او هوایي چلند وزارت د هېواد په یو شمېر ولایتونو کې د نسبتاً سختې واورې او باران اورېدو اټکل کړی دی.