نسرین سیدی

غور کې امنیتي مسوولین وايي چې په دغه ولایت کې د هریرود سیند ته د یوه فلانکوچ موټر لوېدو له امله دوه کسان مړه شوي او یو بل ژغورل شوی دی.

د غور امنیه قومانداني وايي چې د دغه ولایت په مرغاب ولسوالۍ کې یو ځوان له غره لوېدلی او مړ شوی دی.

په غور ولایت کې ځايي سرچینې وايي چې د دغه ولایت په چهارسدې ولسوالۍ کې د تندر پرېوتو له امله ۱۶۰ پسونه تلف شوي دي.

ځايي مسوولین وايي، د اروزګان – کندهار او غور – فاریاب ولایتونو لویې لارې د سیلابونو راوتو له امله د هر ډول تګ – راتګ پر مخ تړل شوې دي.

مسوولینو د اختر په مناسبت د غور له زندانه د ۹ ښځو په ګډون د ۵۰ زندانیانو خوشي کېدو خبر ورکړی دی.

د غور سیمه‌ییز مسوولین وايي چې د دغه ولایت په چهارسده ولسوالۍ کې له غره د ډبرې ښویېدو له امله د یوې کورنۍ اووه غړي مړه شوي دي.

د غور امنیتي سرچینې د دغه ولایت په فېروزکوه ښار کې د قومي شخړې له امله د یوه کس له وژل کېدو خبر ورکوي.

د غور امنیتي مسوولین وایي، د دغه ولایت د استیناف محکمې یو قاضي او د هغه اووه کلنه لور په فیروزکوه ښار کې د ناپېژاندو وسله‌والو له لوري وژل شوي دي.

د غور د عامې روغتیا رییس وایي چې د روان کال په ترڅ کې د دغه ولایت په لرې پرتو سیمو کې ۴۰ روغتیایي مرکزونه جوړ شوي دي.

د روژې د میاشتې په راتلو سره غور کې یو شمېر اړمنې کورنۍ له سرپرست حکومت او سوداګرو غواړي چې له هغوی سره مرسته وکړي.

د غور د ټولګټو چارو رییس د غور – کابل لویې لارې له تړل کېدو خبر ورکوي او له مسافرو یې غواړي چې د هوا تر ښه کېدو پورې له سفر کولو ډډه وکړي.

د غور د فېروزکوه ښاروالۍ مسوولین د روان کال تېرو ۱۱ میاشتو کې د څه باندې ۳۴ میلیون افغانۍ عوایدو له راټولولو خبر ورکوي او وايي، په دې موده کې په دغه ښار کې ۱۲ رغنیزې پروژې هم تطبیق شوې دي.