پژواک خبري اژانس

سیمه‌ییز مسوولین وایي، په هلمند او سمنګان کې د څه باندې ۱۷ میلیون افغانیو په ارزښت د یو شمیر رغنیزو پروژو چارې پیل شوې.

د پاکستان پلازمېنې اسلام‌اباد کې پولیسو له تېرو دوو ورځو راهیسې ډېر افغان کډوال نیولي او هلته مېشت افغانان له ملګرو ملتونو غواړي چې د پاکستان د دغه چلند مخه ونیسي.

د بلوچستان په تربت ښار کې د پولیسو پر یوه بس موټرچاودنه شوې چې له امله څلور تنه وژل شوي او ۳۲ تنه نور ټپیان دي.

سیمه‌ییز مسوولین وایي، په غزني، لوګر او پروان کې له څه باندې ۴۸۰۰ کورنیو سره د خوراکي توکو، کاپیسا کې له څه باندې زرو کونیو سره د نغدو پیسو او هرات کې له ۶۰۰ کورنیو سره د سون توکو مرسته وشوه.

سیمه‌ییز مسوولین وایي چې په هلمند او غور ولایتونو کې له څه باندې ۱۱ زره او ۵۰۰ اړمنو کورنیو سره د خوراکي توکو مرسته وشوه.

سیمه‌ییز چارواکي وایي، په بغلان او پنجشېر کې له څه باندې ۱۷۰۰ کورنیو سره نغدي مرسته وشوه او په ننګرهار کې پر نږدې ۱۵ زرو کروندګرو د غنمو اصلاح شوی تخم او کیمیاوي سره ووېشل شول.

ځايي چارواکي وایي، په لوګر او میدان‌وردګو کې له ۳۷۰۰ کورنیو سره نغدي، پنجشېر کې له ۹۰۳ کورنیو سره د خوراکي توکو او بدخشان کې د طبیعي پېښو له زیانمنو ۴۵۰ کورنیو سره مرستې وشوې.

کورنیو چارو وزارت وایي، د کابل ښار لومړۍ امنیتي حوزې اړوند سینمای‌پامیر سیمه کې چاودنه شوې اومرګ‌‌ژوبله هم لري.

سیمه‌ییز چارواکي وایي، په لوګر او فراه کې له دوو زرو کورنیو سره د خوراکي توکو او پنجشېر کې له دوو زرو بزګرانو سره د غنمو اصلاح شوي تخم او کیمیاوي سرې مرسته وشوه.

د امر بالمعروف،‌ نهې ‌عن‌المنکر او شکایتونو اورېدو وزارت وایي، د تخار ولایت په چال ولسوالۍ کې د دغه وزارت د محتسیبینو له لوري یوه معلوله نجلۍ د خپل ورور له بنده را خلاصه شوه.

د ملي دفاع وزارت د لوجستیک رییس ویلي چې اسلامي امارت د افغانستان د هوایي حریم د دفاع او فضایي کنټرول لپاره تجهیزاتو ته اړتیا لري او پلان لري دا تجهیزات له روسیې وپېري.

سیمه‌ییز مسوولین وایي چي په هلمند، فراه، لوګر او غزني ولایتونو کې له څه باندې ۷۷۰۰ کورنیو سره د خوراکي توکو مرسته وشوه.