پژواک

د افغانستان برېښنا شرکت وایي، د ازبکستان له لوري د تخنیکي ستونزو په هوارېدلو سره اوسمهال د کابل اوسېدونکو او فابریکو ته منظمه برېښنا ورکول کېږي.

د راپورونو پر بنسټ، په ترکیه او سوریه کې د زلزلې له امله د مړو شمېر له ۲۲ زره کسانو اوښتی او تر ۷۵ زره نور ټپیان شوي دي.

په اروزګان کې له ۲ زره او ۱۰۰ اړو کورنیو سره او په بامیان کې له ۵ زره او ۴۰۰ اړو کورنیو سره د خوراکي توکو مرسته وشوه؛ دغه‌راز په فراه کې بیا له ۶۹۴ اړو کورنیو سره د نغدو پیسو مرسته وشوه.

د راپورونو پر بنسټ، په ترکیه او سوریه کې د زلزلې له امله د مړه شوو شمېر ۱۱۲۰۰ او د ټپیانو تر ۴۰ زرو پورې رسېدلی دی.

ریاست‌الوزراء له هېواده بهر له ټاکلې اندازې پورته د ډالرو پر وړلو د بندیز اعلان ترڅنګ، له هېوادوالو غوښتي چې د راکړې ورکړې پر مهال ملي کرنسي (افغانۍ) وکاروي.

اسلامي امارت د ترکيې له زلزله‌ځپلو سره لس میليونه افغانۍ او د سوريې له زلزله‌ځپلو سره پنځه ميليونه افغانۍ مرسته اعلان کړه.

د قطر د بهرنیو چارو ځانګړي استازي د اسلامي امارت له لوړپوړو چارواکو سره په لیدنه کې د یوه داسې سیاسي اجماع پر رامنځته کېدو ټینګار کړی چې په افغانستان کې تلپاتې ثبات تضمین کړي.

د بهرنیو چارو وزارت په ترکيې او سوريې کې د زلزلې له امله له دغو دواړو هېوادونو سره غمشريکي وښوده او له اسلامي هېوادونو او نړۍوالو مرستندويه ادارو یې وغوښتل چې د زلزلې له قربانيانو سره مرستې وکړي.

د ماليې وزارت د سیګار وروستی راپور چې په کې ویل شوي چې چې اسلامي امارت له هغو انجوګانو چې بشردوستانه مرستې کوي، د لایسنس فيس، مالياتو او اداري لګښتونو په نوم پيسې ترلاسه کوي، رد کړی دی.

پاکستان ویلي چې د اسلامي امارت له مشرتابه سره د خبرو اترو لپاره یو پلاوی افغانستان ته لېږي.

د افغانستان کرکټ بورډ مشر وايي، د کرکټ اسیایي هېوادونو له افغان کرکټ څخه خپل بشپړ ملاتړ اعلان کړ او هم په اسیایي شورا کې د افغانستان کرکټ بورډ بودجه د پخوا په پرتله لوړه شوه.

د افغانستان لپاره د روسیې د ولسمشر ځانګړی استازی ضمیر کابلوف وايي، روانه اونۍ به مسکو د افغانستان په اړه د غونډې کوربه وي.