احمدشاه عرفانیار

د ریاست‌الوزراء اقتصادي معاونیت وایي، د ملي تدارکاتو کمېسیون له لوري د شاوخوا درې میلیارد افغانیو په ارزښت ۱۷ بېلابېلې پروژې منظور شوې.

تېره اونۍ، بېلابېلو بنسټونو له پاکستانه وغوښتل چې د افغان کډوالو د نیولو او ځورولو لړۍ ودروي، پاکستان د کونړ پر ځینو سیمو راکټي بريدونه وکړل او ټرمپ ادعا وکړه چې د بایډن حکومت ا.ا ته میلیاردونه ډالر ورکړي، خو ا.ا او د امریکا حکومت دغه ادعا رد کړه.

د افغانستان لپاره د پاکستان ځانګړی استازی وايي چې هېواد یې د راتلونکو درېیو کلونو لپاره افغان زده‌کړیالانو ته ۴۵۰۰ تحصیلي بورسونه ځانګړي کړي.

د پاکستان د پوهنې او روزنې وزیر ویلي، اسلامي امارت ته یې په دغه هېواد کې په «مسلمانو ټولنو کې د نجونو زده‌کړو» په اړه د اسلامي همکاریو سازمان په راتلونکې غونډه کې د ګډون بلنه ورکړې ده.

د کاناډا لېبرال ګوند مشرانو ویلي چې د دغه هېواد د نوي لومړي وزیر د ټاکلو لپاره ټاکنې به د روان زېږديز کال د مارچ میاشتې په نهمه ترسره شي.

د بهرنيو چارو سرپرست وزیر د اماراتو د اقتصاد له وزیر سره د کانونو د استخراج، د کرنې میکانیزه کولو، اماراتو ته د افغانو کارګرو لېږد او دواړو هېوادونو ترمنځ د بانکي اړيکو عادي کولو په اړه خبرې کړې.

تېره ورځ، غزه کې د اسرائیل په بریدونو کې د پنځو ماشومانو په ګډون ۴۹ فلسطینیانو ژوند له لاسه ورکړی دی.

ایراني رسنیو د دغه هېواد د سمنان ولایت د یوه چارواکي له قوله اعلان کړی چې د افغان کډوالو په ګډون ټول بهرني اتباع به د ۱۴۰۴ کال تر پایه له دغه ولایت څخه وایستل شي.

تېره اونۍ، باکو له کابل سره د سیاسي تعامل پر پراختیا ټينګار کړی، د خوست علي‌شېر ولسوالۍ کې له ډیورنډ کرښې سره د افغان او پاکستاني ځواکونو ترمنځ نښته شوې او د اقتصاد وزارت یو ځل بیا په نادولتي موسسو کې د ښځو د کار پر بندیز ټينګار کړی، خو م.م یې د لغوه کېدو غوښتنه کړې.

د راپورونو له مخې، د امریکا پخوانی ولسمشر او د سولې د نوبل جایزې ګټونکی، جیمي کارتر، تېره ورځ د ۱۰۰ کلونو په عمر ومړ.

ایراني رسنیو راپور ورکړی چې د دغه هېواد د هرمزګان ولایت په بندرلنګه ولسوالۍ کې د یوه برید له امله د دغه ولسوالۍ د انتظامي اطلاعاتو رییس ژوند له لاسه ورکړی او یو بل کس ټپي شوی دی.

تېره اونۍ، سعودي عربستان په کابل کې بیا خپل سفارت پرانیست، پر برمل ولسوالۍ د پاکستان هوایي برید کې ۹۲ کسانو ته مرګ‌ژوبله واوښته او د افغانستان ملي دفاع وزارت وویل چې تېره شپه یې په انتقامي برید کې د ډیورند فرضي کرښې هغه غاړه ځیني مرکزونه په نښه کړي دي.