احمد صهيب حسرت

د کورنیو چارو وزارت وایي، پولیسو نیمروز کې «یو مسلکي او مشهور انسان‌تښتوونکی» نیولی چې په ایران کې یې څلور هېوادوال تښتولي او له کورنیو یې ۷۲ زره امریکایي ډالر اخیستي وو.

د افغانستان د سولې لپاره د امریکا پخواني استازي زلمي خلیلزاد په خیبر کې د پښتنو قومي جرګې پرېکړې مهمې بللې او وایي، په اړه یې د پاکستان غبرګون لا څرګند نه دی، خو ښایي منفي وي.

د پښتون ژغورنې غورځنګ مشر وایي، پاکستاني ځواکونو په خیبر کې د دغه غورځنګ له خوا د جوړېدونکې جرګې پر میدان برید کړی؛ دغه سیمه یې قبضه کړې او هلته د لویې ماشینرۍ پر مټ خندقونه کیندي.

د روسیې ځانګړي استازي ضمیر کابلوف ویلي، د دغه هېواد په کازان ښار کې د برېکس جوړېدونکې ناستې ته د اسلامي امارت بلنه د برېکس د غړو هېوادونو له نظر سره تړلې خبره ده.

د پاکستان د بهرنیو چارو وزارت پېښور کې یوه ناسته کې د پاکستان ملي سرود د غږېدو پر مهال د افغان سرقونسل د نه درېدو له امله احتجاج کړی، خو د افغان قونسلګرۍ وياند وایي، دغه کار د بې‌احترامۍ په نیت نه دی شوی.

د ټاپي یا له ترکمنستانه افغانستان، پاکستان او هند ته د ګاز نل‌لیکې پروژه – چې څنګ ته د نوري فایبر، اوسپنې پټلۍ او سړک پروژې هم لري – نن په هرات کې د ځانګړو مراسمو په ترڅ کې پرانیستل شوه او ورسره د «ټاپ» پروژې اړوند د نورالجهاد سب‌سټېشن هم ګټې اخیستنې ته وسپارل شو.

چارواکي وایي چې د کابل په تره‌خېلو کې د ۱۸ میلیون ډالرو په لګښت د ۲۵۲ میګاواټه برېښنا په ظرفیت د یوه سب‌سټېشن جوړولو او له چمتلې تر تره‌خېلو د ۲۲۰ کیلوواټه مزي غځولو چارې پیل شوې.

د کورنیو چارو وزارت وایي، د کابل ښار شپږمې امنیتي حوزې اړوند دارلامان سیمه کې چاودنه شوې ده.

د ا.ا ویاند وایي، افغانستان ته د ملګرو ملتونو د بشري حقونو شورا د ځانګړي راپور ورکوونکي ریچارډ بنیټ پر راتګ ځکه بندیز لګول شوی چې «د افغانستان په اړه یې پروپاګند کول.»

د اسلامي امارت رییس‌الوزراء ملا محمدحسن اخند د صحي معایناتو لپاره متحده عربي اماراتو ته تللی او د دغه هېواد د دولت رییس، محمد بن زاید ال نهیان یې عیادت کړی دی.

د اسلامي امارت مشرتابه د زمري ۲۴مې په مناسبت خپله وینا کې د دې په ویلو سره چې په هېواد کې د ټولو حقوق خوندي دي، زیاته کړې، نظام هغه وخت پایښت پیدا کوي چې عدالت پر ټولو یو شان پلی شي.

کابل (پژواک، ۲۴ زمری ۱۴۰۳): د ټاپي ګاز نل‌لیکې کمپنۍ اجرائیوي رییس ویلي، د افغانستان په خاوره کې هم د ټاپي نل‌لیکلې د غځولو لپاره