احمد صهيب حسرت

د برېټانیا لومړي وزیر، ریشي سوناک وروسته له هغه له خپلې دندې استعفا وکړه چې ګوند یې په پارلماني ټاکنو کې کمې رایې واخيستې.

د میدان‌وردګو سیمه‌ییز چارواکي وایي چې د دغه ولایت په نرخ ولسوالۍ کې د مڼې ګل دوه‌وېشتمه کلنۍ دودیزه مشاعره جوړه شوه.

د بهرنیو چارو وزارت وایي، د اسلامي امارت ویاند د دوحې له درېیمې غوندې تر راستنېدو وروسته د دغه وزارت له سرپرست سره د دې غونډې او هلته د ترسره کړو ناستو په تړاو معلومات شریک کړل.

د ریاستإالوزرا سیاسي مرستیال وایي، د ا.ا په اړه د نړۍوالو نظر بدلون موندلی؛ څرنګه چې دا مهال د سیمې هېوادونه له ا.ا سره مثبت او رغنده تعامل لري، دغه راز به په راتلونکې کې له لرو پرتو هېوادونو سره هم مثبتې اړیکې ولري.

د عدلیې وزارت وایي، د دغه وزارت د وړاندیز او د ریاست‌الوزراء د منظورۍ له مخې د لا ډېرو خدمتونو وړاندې کولو په موخه د ۲۳ ولایتونو عدلیې رییسان له یو ولایت څخه بل ته تبدیل شول.

د عامې روغتیا وزارت وایي، د میدان‌وردګو ولایت په سیداباد ولسوالۍ کې د یوه کس په ۱.۵ میلیونه ډالرو مالي لګښت یوه روغتون ته ودانۍ جوړه شوه.

کورنیو چارو وزارت وایي، د کابل ښار څلورمې امنیتي حوزې اړوند سیمه کې یې یوه ښځه د ۴۰ زره امریکایي ډالرو په ارزښت د سره زرو غلا په تور نیولې ده.

د کورنیو چارو وزارت وایي، له یوه کال راهېسې یې د ګرځنده ټلیفونونو د ساتنې او خوندیتوب الکترونیکي سیسټم له لارې ۷۰۴ غلا شوي ټلیفونونه پیدا او مالکینو ته یې سپارلي دي.

د افغانستان بانک وايي چې سبا (د چنګاښ ۵مه) د داوطلبۍ له لارې ۱۵ میلیون امریکایي ډالر لیلاموي.

د اسلامي امارت ویاند وایي، د ملګرو ملتونو ځينو غړو او په ځانګړې توګه د ریچارډ بېنټ راپور د دوحې راتلونکې ناستې درشل کې د اذهانو د خرابولو هڅه ده او په دې سره غواړي د افغانستان په اړه ناسم انځور وړاندې کړي.

د پوهنې سرپرست وزیر د روسیې په کازان ښار کې د پوهنې وزیرانو په دویم نړۍوال فورم کې د ښوونځيو ودانيو جوړولو، د درسي کتابونو چاپولو او د ښوونکو معاشنو برخو کې له نړۍوالې ټولنې د مرستې غوښتنه وکړه.

د افغان انجینرانو له لوري د «طوطي» په نوم د اړیکو نیولو نوی جوړ شوی هغه اپليکېشن پرانیستل شو چې د مصنوعي ځيرکتیا پر مټ پرمختللي فعالیتونه په یوه واحد سیسټم کې رانغاړي.