افسانه حیدري

د کار او ټولنیزو چارو وزارت اعلان کړی چې د کوچني اختر په مناسبت به دولتي ادارې د شوال میاشتې له لومړۍ نېټې چې د اختر له لومړۍ ورځې سره برابره ده، بیا د دې میاشتې تر درېیمې پورې رخصت وي.

د احصایې او معلوماتو ملي اداره وايي، تېر کال یې هېواد کې څه باندې دوه میلیون او ۶۰۰ زره کسانو ته الکترونیکي تذکرې وېشلې دي.

نرګس هغه نجلۍ چې په یوه خصوصي ښوونځي کې صفاکاري کوي، له بې‌وزلۍ او فقر شکایت لري او وایي، پر څلور زره افغانۍ تنخوا په ډېرې سختۍ سره ژوند تېروي، له شتمنو کسانو غوښتنه کوي څو ورسره مرسته وکړي.

د افغانستان بانک اعلان کړی چې سبا ۲۰ میلیون امریکایي ډالر د داوطلبۍ له لارې لیلاموي.

کابل کې د سردار محمدداوود خان روغتون په کمپلېکس کې نوې ۱۰۰ بستریزه څانګه او د ملکي ناروغانو لپاره ځانګړی روغتون پرانیستل شول او پر طبي تجهیزاتو سمبال «اېن‌کي‌سي کمپ» هم دغه کمپلېکس ته وسپارل شو.

د افغانستان د بهرنیو چارو وزارت سرپرست د سره صلیب نړۍوالې کمېټې له عمومي رییس سره د لیدنې پر مهال غوښتنه کړې چې دغه کمېټه دې په نورو هېوادونو کې د افغان بندیانو د برخلیک معلومولو برخه کې همکاري وکړي.

د افغانستان بانک سبا (سه‌شنبه) د داوطلبۍ له لارې ۲۰ میلیونه امریکايي ډالر لیلاموي.  

د افغانستان برېښنا شرکت اجرائیوي رییس وایي، سږ کال یې د برېښنا د پلور له درکه څه باندې ۳۱.۵ میلیارده افغانۍ عواید ترلاسه کړي، ۲۲۷ میلیون امریکایي ډالره یې برېښنا پېرلو له درکه ګاونډيو هېوادونو ته ورکړي او اوس‌مهال دغه شرکت د هیچا پوروړی نه دی.

د افغانستان د کډوالو او راستنېدونکو چارو وزارت وايي چې ۶۳ نور افغانان د پاکستان له زندانونو خوشي او هېواد ته راستانه شوي دي.

د قیصار – لامان حلقوي سړک د پنځمې برخې د ۲۵ کیلومتره جوړېدو هوکړه‌لیک د ټولګټو وزارت او یوه ساختماني او سړک جوړولو شرکت ترمنځ د ۱،۴ میلیارد افغانیو په ارزښت لاسلیک شو.

د افغانستان د کډوالو او راستنېدونکو چارو وزارت وايي چې د پاکستان له زندانونو ۸۴ افغانان ازاد او هېواد ته راستانه شول.

د افغانستان د احصایې او معلوماتو ملي اداره وايي چې سږ کال په ټول هېواد کې ۱۵۹ زره مټریک ټنه پنبه تولید شوې چې د تېر کال په پرتله ۳۰ سلنه زیاتوالی ښیي.