افغانستان

د ملګرو ملتونو له ماشومانو د ملاتړ صندوق (یونیسف) وايي، هڅه کوي څو په افغانستان کې له سیمه‌ییز اقتصاد او کورنيو تولیداتو څخه د ملاتړ پر بنسټ، د هغو توکو د تولید مخنیوی وکړي چې د ماشومانو د خوارځواکۍ لامل کېږي.

د صنعت او سوداګرۍ وزارت وايي چې د افغانستان او تاتارستان ترمنځ د ۱۸۳ میلیون امریکايي ډالرو په ارزښت په نفتي او ساختماني برخو کې سوداګریز هوکړه‌لیکونه لاسلیک شول.

د افغانستان برېښنا شرکت عمومي اجرائیوی ريیس د قرغیزستان له سفیر سره ‎د کاسا زر پروژې د تخنیکي اړخونو، ستونزو، حل‌لارو او د ترسره شوو څو اړخیزو ناستو په اړه خبرې کړې دي.

د ترانسپورټ او هوایي چلند وزارت سرپرست په کابل کې د قرغيزستان له سفیر سره په لیدنه کې د دوه اړخیزو ترانسپورټي او ترانزيټي اړیکو پر پیاوړتیا او د دواړو هېوادونو ترمنځ د سوداګرۍ پر ډېرېدو خبرې کړې دي.

د تاتارستان د لومړي وزیر مرستیال د ریاست‌الوزراء له اقتصادي مرستیال سره په لیدنه کې ویلي، چمتو دي چې د پنجشېر له سینده کابل ښار ته د اوبو د لېږد پروژې او دغه راز نورو برخو کې پانګونه وکړي.

د ملګرو ملتونو د خوړو او کرنې او افغان‌اېډ سازمانونو اعلان کړی چې د انګلیستان په مالي ملاتړ، افغانستان کې د شاوخوا ۳۲ میلیون پونډه په ارزښت د خوړو خوندیتوب، کلیوالي معیشت ښه کولو، اقلیمي مقاومت او بشري اړتیاوو ته د رسېدنې په موخه نوې پروژې پلي کېږي.

تېره اونۍ، یو‌اېن‌اېچ‌سي‌ار او د بښنې نړۍوال سازمان له ایران او پاکستانه د افغان کډوالو پر راایستلو نيوکې کړې، د افغانستان او پاکستان ترمنځ صادرات تر ترجیحي تعرفو لاندې پیل شول، سیګار افغانستان کې د مېرمنو وضعیت په اړه ځينې ادعاوې کړې، ا.ا تر اوسه په دې اړه څه نه دي ویلي خو له دې مخکې یې دغه ډول ادعاوې رد کړې دي.

د مالیې وزارت وایی، د افغانستان لاس د بې‌اسنادو موټرو د ثبت او محصول پروسه د روان لمریز کال تر پایه تمدید شوه.

د افغانستان د احصايې او معلوماتو ملي اداره وایي، د روان لمریز کال په دوو میاشتو کې یې د هوايي ډګرونو او ځمکنيو بندرونو له لارې هېواد ته د څه باندې پنځه زره بهرنیو وګړو تګ راتګ ثبت کړی دی.

د افغاني سرې مياشتي ټولنه وايي، تېر کال یې له ۵۱۱ زره اړو کسانو سره مرستې کړې، ۳.۸ میليونه کسانو ته یې روغتيايي خدمات وړاندې کړي او څه باندې دوه زره د سوري زړه پر ناروغۍ اخته ماشومان یې د درملنې په موخه روغتونونو ته ورپېژندلي دي.

د برېښنا شرکت اجرائیوي رییس وايي، د افغانستان ۸۰ سلنه برېښنا له بهرنیو سرچینو برابرېږي او اوسمهال د هېواد ۴۰ سلنه نفوس برېښنا ته لاسرسی لري او تر راتلونکو دوو کلونو به په دغه شمېر کې د پام وړ لوړوالی راشي.

د افغانستان د کډوالو او راستنېدونکو چارو وزارت مسوولینو د برېتانیا د بشري مرستو له رییس سره په لیدنه کې د راستنېدونکو کډوالو د ستونزو په اړه خبرې کړې دي.