تولید

د هرات د کرنې، اوبولګولو او مالدارۍ ریاست مسوولین وایي چې د چرګانو فارمونو په ډېرېدو سره، دغه ولایت د چرګو هګیو د تولید له اړخه پر ځان بسیاینې ته رسېدلی او په هرات کې د ورځې تر یو میلیون ډېرې هګۍ تولیدیږي.

د اوبو او برېښنا وزارت وایي، له یوه خصوصي شرکت سره یې د ۲۵ میلیون ډالرو په ارزښت په درېیو ولایتونو کې د اته مېګاواټه لمریزې برېښنا د تولید هوکړه‌لیکونه لاسلیک کړي دي.

اقتصادي کمېسیون د اوبو او برېښنا وزارت ته دنده سپارلې څو د کابل اړوند د سروبي دویم بند جوړولو او په جوزجان کې د ۳۰۰ ميګاواټه ګازي برېښنا د تولید په اړه له اړوندو شرکتونو سره تخنیکي بحثونه وکړي.

د خوست د کرنې، اوبو لګولو او مالداراۍ رياست مسوولين وايي چې تېر کال په دغه ولایت کې له ۴۳۰ فارمونو ۶۵۰ ټنه شات ترلاسه شوي خو ښايي سږ کال به د شاتو د تولیداتو کچه ټيټه وي.

د هلمند د کرنې ریاست مسوولین وایي چې تېر کال په دغه ولایت کې د وړم کال په پرتله د شاتو تولیدات دوه برابره ډېر شوي خو د مچیو فارم‌لرونکي بیا د بازار له نشتوالي شکایت کوي.

کندهار کې دا مهال د کارټن او کاغذ تولیدات ډېر شوي چې د مسوولینو په خبره، د جنوبي ولایتونو اتیا سلنه اړتیاوې یې پوره کړې دي.

د افغانستان د برېښنا شرکت وايي، په هېواد کې دې وروستیو ورښتونو له امله د نغلو، سروبي او ماهیپر په بندونو کې د برېښنا د تولید کچه لوړه شوې ده.

د ننګرهار کانال رياست مسوولین وايي، د مالدارۍ فارم کې د څارويو ډېروالی او هغو ته پر وخت د درملو او خوړو رسېدو له امله به سږ کال ۲۱۶ زره لېتره شیدې تولید شي.

«د شاتو مچیو پالنه او د افتونو او ناروغیو کنټرول» ښوونیز پروګرام په داسې حال کې په بدخشان کې د مچیو ساتنې صنعت د ودې په موخه جوړ شوی چې د مسوولینو په وینا، سږ کال په دغه ولایت کې د شاتو په تولید کې د تېر کال په نسبت پنځوس سلنه زیاتوالی راغلی دی.

د کندوز ځایي مسوولین وایي، سږ کال دغه ولایت کې ۳۰۰ ټنه کبان تولید شوي چې د تېر کال په نسبت ۵۰ سلنه ډېروالی په کې راغلی دی.

د بغلان د پلخمري نساجي فابریکې مسوولین وايي، د دې فابریکې یو شمېر ماشینونه بیارغول شوي چې ورسره د رختونو تولید هم پیل شوی دی.

د ملګرو ملتونو له نشه‌يي توکو او جرمونو سره د مبارزې دفتر (یو‌اېن‌اوډي‌سي) اعلان کړی چې میانمار په ۲۰۲۳ کال کې د تریاکو د تولید برخه کې له افغانستانه مخکې شوی او نړۍ کې د تریاکو پر ستر تولیدوونکي هېواد بدل شوی دی.