دایکنډي

د کورنیو چارو وزارت وایي، په دایکنډي ولایت کې یې هغه لس کلن ماشوم ژغورلی چې له درېیو ورځو راهیسې د یوه کس په کورني بند کې و او په تړاو یې یو کس هم نیول شوی دی.

د دایکنډي د عامې روغتیا ریاست مسوولین وايي، د دغه ولایت په سنګتخت‌وبندر ولسوالۍ کې د ۲۶۰ زره امریکايي ډالرو په لګښت یوه روغتيایی مرکز ته ودانۍ جوړه او ګټې اخیستنې ته وسپارل شوه.

دایکنډي کې ځايي مسوولین وايي چې د دغه ولایت په مرکز نیلي ښار کې د روږدو درملنې لپاره یو ۲۰۰ بستریز روغتیایي کمپ جوړ شوی دی.

د دایکنډي د کډوالو او راستنېدونکو چارو امریت وایي چې د دغه ولایت په مرکز کې کډوالو، داخلي بې‌ځایه شوو او بې‌وزلو ته ۶۵ کورونه جوړیږي.

د دایکنډي ولایت د پاتو ولسوالۍ ځيني اوسېدونکي مخابراتي خدماتو ته د نه لاسرسي له امله شکایت کوي او وایي، د ټیلیفوني اړیکو ټینګولو برخه کې له جدي ستونزو سره مخ دي.

دایکنډي کې یو شمېر ښځې چې په انلاین ډول یې د ارایشي محصولاتو پلور ته مخه کړې، وایي، توانېدلې چې له دې لارې د خپلو کورنیو لګښتونه پوره کړي.

د دایکنډي د شهرستان ولسوالۍ یو شمېر اوسېدونکي وایي چې په خپل شخصي لګښت یې د دې ولسوالۍ په کج‌پیتاب سیمه کې د څه باندې شپږ کیلومتره سړک جوړولو چارې پیل کړې دي.

دایکنډي کې د چرګانو یو شمېر فارم‌لرونکي وايي، په دغه ولایت کې د چرګانو فارمونه ډېر شوي او اوس دغلته د بازارونو او خلکو اړتیا له دغو فارمونو پوره کېږي.

دایکنډي کې یو شمېر کروندګر د انجې کښت ډېروالي او ترویج له امله خوښي څرګندوي او ‎وايي، د دغه ولایت اقلیم ته په کتو د انجې کښت ښه نتیجه ورکوي او دوی توانېدلي چې له دغه طبي بوټي ښه حاصل ترلاسه کړي.

دایکنډي کې ځايي مسوولین وايي چې د دغه ولایت په اشترلي ولسوالۍ کې خلکو په خپل شخصي لګښت ۲۲ کیلومتر سړک جوړ کړی دی.

دایکنډي کې ځايي مسوولین وايي چې له تېر یو نیم کال راهیسې د دغه ولایت د بېلابېلو ولسوالیو اوسېدونکو په خپل شخصي لګښت ۴۶ ښوونځیو ته ودانۍ جوړې کړې دي.

دایکنډي کې ځايي مسوولین وايي چې د دغه ولایت په کیتي ولسوالۍ کې د نجونو یوې لېسې ۷۹ زده‌کوونکې او ښوونکې مسموم شوې دي.