فاریاب

فاریاب کې ځايي سرچینې وايي، د دغه ولایت په اندخوی ولسوالۍ کې د یوې ترافیکي پېښې له امله یوه کس ژوند له لاسه ورکړی او یو بل ټپي شوی دی.

فاریاب کې ځايي سرچینې وايي چې د دغه ولایت په بلچراغ ولسوالۍ کې د ګازنیونې له امله د یوې مدرسې دوو طالبانو ژوند له لاسه ورکړی او یو بل مسموم شوی دی.

د فاریاب په ګرزیوان ولسوالۍ کې شاوخوا درې اونۍ مخکې یوې کورنۍ د یوه کس جسد چې د خپلې کورنۍ د غړي ګومان یې پرې کړی و، خاورو ته سپارلی، خو څو ورځې وروسته هغه کس چې ګومان کېده مړ شوی، ژوندی کور ته راغی او خلک یې حیران کړل.

فاریاب کې امنیتي سرچینې وايي چې د دغه ولایت د المار ولسوالۍ د یوه اوسېدونکي او موټرپلورونکي جسد په قرمقول ولسوالۍ کې په یوه څاه کې موندل شوی او د قتل په تور یې دوه کسان چې وروڼه دي، نیول شوي.

فاریاب کې ځايي سرچینې وايي، د دغه ولایت په مرکز میمنې ښار او دولت‌اباد ولسوالۍ کې د ترافیکي پېښو له امله دوو کسانو ژوند له لاسه ورکړی او لس نور ټپیان شوي دي.

د فاریاب د کرنې ریاست مسوولینو په دغه ولایت کې د زعفرانو کښت له ډېرېدو خبر ورکوي خو وايي چې له ځینو ستونزو لکه د خپلو محصولاتو لپاره د مناسب بازار او د حکومت د ملاتړ له نشتوالي سره مخ دي.

فاریاب کې ځايي سرچینې وايي چې د دغه ولایت د شېرین‌تګاب ولسوالۍ د «نمبر۱» لویې لارې په اوږدو کې د ترافیکي پېښې له امله یو کس مړ او څلور نور ټپیان شوي دي.

د فاریاب د مرکز میمنې ښار یو شمېر اوسېدونکي د روغتیايي مرکزونو له خوا د طبي کثافاتو له ناسم مدیریته شکایت لري او دا چاره چاپېریال او عمومي روغتیا ته جدي ګواښ بولي، خو مسوولین وایي چې دا ستونزه ۷۰ سلنه کنټرول شوې ده.

مسوولین وایي چې په غزني او فاریاب ولایتونو کې د څلورو ترافیکي پېښو له امله درې کسان مړه او ۱۱ نور ټپیان شوي دي.

د فاریاب یو شمېر بڼوال او ملي سوداګر وایي چې سږ کال دغه ولایت کې د ممیزو د تولید کچه دوه برابره لوړه شوې، خو د دغه محصول بیه ډېره ټيټه شوې ده.

د فاریاب د پوهنې مسوولین وايي، د دغه ولایت د چهلګزي ولسوالۍ «تګاب هیرک» لېسې ته وروسته له څلوېښتو کلونو د یوه خیریه بنسټ له لوري او د خلکو په مرسته ودانۍ جوړه او ګټې اخیستنې ته وسپارل شوه.

فاریاب کې ځايي سرچینې وايي، دغه ولایت کې د درېیو جلا پېښو له امله درې کسان مړه شوي او یو بل ټپي شوی دی.