الظواهري

افغانستان لپاره د امریکا مخکینی ځانګړی استازی زلمی خلیلزاد ادعا کوي چې د امریکا د بې‌پیلوټه الوتکې په برید کې د القاعدې مشر ایمن الظواهري وژل شوی او سرپرست حکومت هم پرې خبر دی.

چین، په کابل کې د القاعده د مشر ایمن‌ الظواهري د وژل کېدو تر اعلان وروسته وایي، د ترهګرۍ ضد همکارۍ باید د نورو هېوادونو حاکمیت زیانمن نه کړي.

د پاکستان د کورنیو چارو وزیر رانا ثناءالله ویلي، پر الظواهري برید کوونکې بې‌پیلوټه الوتکه له پاکستان څخه نه وه پورته شوې.

د امریکا دفاع وزارت وایي، د تېرې شنبې پر ورځ د کابل په هوایي برید کې یوازې یو کس د القاعدې مشر ایمن الظواهري وژل شوی دی.

د پاکستان د بهرنیو چارو وزارت د امریکا له خوا د القاعدې د مشر ایمن الظواهري د وژلو نه هرکلی کړی او نه یې غندلی، بلکې یوازې دومره یې ویلی چې دوی هر ډول ترهګري غندي.