برېښنا

د ننګرهار برېښنا رياست مسوولین وايي، پر پوروړو پېرودونکو د برېښنا پرې کولو دوه ورځني کمپاين کې توانېدلي چې ۱۷ ميليونه افغانۍ پورونه راټول کړي.

د لوګر چارواکي وایي چې د کورنیو چارو وزارت د شاوخوا ۳۰ میلیون افغانیو په لګښت د دغه ولایت څرخ ولسوالۍ ته د برېښنا مزو غځولو عملي چارې پیل شوې.

د اوبو او انرژۍ وزارت سرپرست وایي، د لومړنیو اټکلونو او سروې‌ګانو له مخې، افغانستان کولای شي نږدې ۳۱۸ ګیګاواټه برېښنا د نوې‌کېدونکې انرژۍ له سرچینو تولید کړي.

د صنعت او سوداګرۍ وزارت وایي، د دغه وزارت یوه پلاوي له خصوصي سکټوره د ملاتړ او د باریکاب صنعتي پارک د زیربنایي او برېښنا د کمښت ستونزو د حل په موخه پروان ولایت ته سفر کړی دی.

د افغانستان د برېښنا شرکت اجرائیوي رییس له ایراني پانګه‌والو سره په لیدنه کې ویلي چې د کورنیو او بهرنیو پانګه‌والو لپاره یې د برېښنا برخه کې ښه فرصتونه برابر کړي دي.

چارواکي وایي چې د کابل په تره‌خېلو کې د ۱۸ میلیون ډالرو په لګښت د ۲۵۲ میګاواټه برېښنا په ظرفیت د یوه سب‌سټېشن جوړولو او له چمتلې تر تره‌خېلو د ۲۲۰ کیلوواټه مزي غځولو چارې پیل شوې.

د غزني برېښنا ریاست مسوولین وایي، د دغه ولایت په دولتي پوهنتون کې د ۱۲۵۰ کیلوولټ ظرفیت په لرلو سره د برېښنا یو ترانسفرمر ګټې اخیستنې ته وسپارل شو.

د قرغیزستان د انرژۍ وزارت وایي چې راتلونکی ۲۰۲۵ میلادي کال له تاجکستان سره په ګډه د کاسا زر پروژې له لارې پاکستان ته برېښنا غځوي.

د غزني ښار نواباد سیمه کې د نږدې ۱۹ میلیونه افغانیو په لګښت د برېښنا د څلورو ترانسفرمرونو په نصبېدو سره۱۲۰۰ کورنۍ له برېښنا برخمنې شوې دي.

پلخمري ښار کې د نږدې ۳۳ میلیون افغانیو په لګښت په معیاري ډول د برېښنا مزو غځولو شبکې چارې د یو خصوصي شرکت له لوري پیل شوې چې په شپږو میاشتو کې به بشپړې شي.

د افغانستان د برېښنا شرکت وايي، په هېواد کې دې وروستیو ورښتونو له امله د نغلو، سروبي او ماهیپر په بندونو کې د برېښنا د تولید کچه لوړه شوې ده.

د فراه د سوداګرۍ او صنعت ریاست وايي چې په دغه ولایت کې د برېښنا کموالي له امله ۱۵ فابریکې له تولیداتو پاتې دي او یو شمېر کسان هم ورسره وزګاره شوي دي.