ترافيکي پېښې

د لغمان د ترافيکو مدیریت وايي، نن د دغه ولایت د قرغیو ولسوالۍ په مربوطاتو کې د ترافيکي پېښې له امله درې کسان مړه او دوه نور ټپيان شوي دي.

د بغلان په دوشي ولسوالۍ کې د ترافيکي پېښې له امله د ښځو په ګډون ۴ کسان مړه او ۹ نور ټپيان شوي دي.

په بدخشان کې ځايي سرچينې وايي، په دغه ولايت کې د ترافيکي پېښې له امله یو ماشوم مړ شوی او د عمر ثالث ٢١٩ فرقې پلې لوا د پنځم کنډک رییس ارکان په ګډون درې کسان ټپیان شوي دي.

د بغلان د ترافیکو مدیر وایي، د دغه ولایت په مرکز پلخمري کې د دوو موټرو د ټکر له امله يو کس مړ شوی او دوه نور ټپيان دي.

د لغمان ولايت د ترافيکو مديريت وايي، نن( د وري ۹مه) د دغه ولایت په مرکز کې د ترافيکي پېښې له امله يو تن مړ او څلور نور ژوبل شوي دي.

. . .