سوداګره مېرمن

مېرمن لیلما چې دمګړۍ یې نیمروز کې د خیاطۍ یوې کارګاره په جوړولو څو ښځو ته د کار زمینه برابره کړې وایي، غواړي په راتلونکي کې خپلې سوداګرۍ ته وده ورکړي او ۵۰۰ نورو ښځو ته د کار زمینه برابره کړي.

هغه مېرمن چې په ۵۰۰ افغانیو یې کاروبار پیل کړی، اوس یې پانګه زرګونو ډالرو ته رسېږي او په کورونو له ناستو ښځو غواړي څو له خپل توان سره سم لاس په کار شي، د خپلو کورنیو او هېواد په اقتصادي وده کې برخه واخلي.

په کابل کې یوه متشبثه مېرمن چې د خپلې پانګه‌ونې له لارې یې ۱۳۰ نورو ښځو ته په مستقیم ډول د کار زمینه برابره کړې، له حکومته غواړي چې د ښځو د لاسي صنایعو ودې ته پاملرنه وکړي او بهر ته د ښځو د تولیداتو د صادرولو زمینه برابره کړي.

هغه سوداګره مېرمن چې په هېواد کې له سیاسي بدلون وروسته یې خپل کاروبار درولی و او اوس هڅه کوي چې بېرته یې پيل کړي، وايي چې په هيڅ ډول حالاتو کې به خپل هېواد پرې نه ږدي او د پرمختګ لپاره به یې کار کوي.