علماوو غونډه

رییس‌الوزرا د علماوو غونډې ته وویل، علماء او قومي مشران دې له نظامه ملاتړ وکړي او هغوی ته چې اوس هم د نظام په مقابل کې درېږي، دا پيغام ورکړي چې د دوی حيثيت څه دی او په کوم سبب له دغه نظام سره مقابله کوي؟

د ریاست‌الوزرا مرستیال مولوي عبدالسلام حنفي وايي، د افغانستان علما او قومي مشران به «د افغانستان د علماوو لویه غونډه» کې د اسلامي نظام، ملي یووالي او نورو اقتصادي او ټولنیزو مسایلو په اړه – چې څنګه ښه کېدای شي – بحث او پرېکړې وکړي.

«د افغانستان د علماوو لویه غونډه» راتلونکې چهارشنبه د لویې جرګې په خېمه کې د درې زره دیني عالمانو په ګډون د درېیو ورځو لپاره جوړېږي.