لمپي‌سکین

د بدخشان د کرنې او مالدارۍ ریاست د ملګرو ملتونو د خوړو او کرنې سازمان په ملاتړ د دغه ولایت په مرکز او ولسوالیو کې د لمپي‌سکین یا د حیواني پوستکي ناروغیو ضد واکسین کمپاین پیل کړ.

د سرپل سیمه‌ییز مسوولین وایي، په دغه ولایت کې د څارویو د پوستکي ناروغۍ (لمپي‌سکین) ضد واکسین کمپاین پیل شوی او ټاکل شوې چې ۹۰ زره غواګانو ته دغه واکسین تطبیق شي.

د غزني د کرنې او مالدارۍ ریاست مسوولین وایي، په دغه ولایت کې غواګانو ته د لمپي‌سکین ناروغۍ ضد واکسین تطبیق کمپاین پېل کړی چې د شاوخوا یو میلیون امریکايي ډالرو په لګښت به نږدې ۱۷۰ زره غواګانې واکسین شي.

په میدان وردګو کې نن د خوړو او کرنې نړۍوال سازمان (FAO)  په مالي ملاتړ د شپږ میلیون او ۳۰۰ زره افغانیو په لګښت، د لمپي‌سکین یا د څارویو د پوستکي ویروسي ناروغۍ ۹۹ زره ډوزه واکسین د تطبیق لړۍ پیل شوه.