لوګر

لوګر کې د افغاني سرې میاشتې ټولنې مسوولین وایي چې د دغه ولایت په مرکز پل‌علم او څرخ ولسوالۍ کې له ۳۵۰ بېوزلو او اړو کورنیو سره د کوچنیو تجارتونو د پيل لپاره نغدي مرسته وشوه.

سیمه‌ییز مسوولین وایی، په فراه او لوګر ولایتونو کې له څه باندې نهه زره کورنیو سره د خوارکي توکو او نغدو پیسو مرستې وشوې.

د لوګر ولایت مرکز پل‌علم ښاروالۍ له لوري د ښاري فرهنګ د ودې په موخه د دغه ولایت د یو شمېر ادارو د مسوولینو، دیني عالمانو او ځوانانو په ګډون کنفرانس ترسره شو.

لوګر کې د افغاني سرې میاشتې ټولنې مسوولین وایي چې د جاپان هېواد په مالي ملاتړ د دغه ولایت په څرخ ولسوالۍ کې په شپږ سوه جریبه کرنیزه ځمکه میوه‌لرونکي باغونه جوړېږي.

سیمه‌ییز مسوولین وايي چې د څه باندې ۳۰ میلیون افغانیو په ارزښت د لوګر ولایت د لوړو زده‌کړو موسسې اړوند د درېیو رغنیزو پروژو او د غزني ولایت مقر ولسوالۍ کې د څښاک پاکو اوبو رسولو یوې شبکې چارې پیل شوې.

د لوګر ولایت د بدني روزنې او ورزش امریت وایي چې د دغه ولایت په کچه د ۳۳ غوره لوبډلو ترمنځ د رمضان جام په نوم د والیبال سیالۍ چې شاوخوا یوه نیمه میاشت مخکې پیل شوې وې، د «لوګر اتلان» لوبډلې په اتلولۍ پای ته ورسېدې.

لوګر کې د پوهنې ریاست مسوولین وايي چې د ملګرو ملتونو د ماشومانو ملاتړ صندوق (UNICEF) له لوري د دغه ولایت په مرکز پل‌علم او ولسوالیو کې ۵۰ ښوونځي بیارغول کېږي.

په لوګر ولایت کې د نیالګیو اېښودلو پسرلنې کمپاین پيل شو چې په ترڅ کې به یې ۲۵۰ زره میوه‌لرونکي او بې‌مېوې نیالګي کېښودل شي.

د لوګر د عامې روغتیا ریاست وایي چې د دغه ولایت په بره‌کي‌برک ولسوالۍ کې ۱۲ درملتونونه د غیرقانوني فعالیت له امله تړل شوي دي.

د لوګر د اطلاعاتو او فرهنګ ریاست مسوولین وایي چې په روان لمریز کال کې یې دغه ولایت کې د ځوانانو علمي کچې لوړولو په موخه اته علمي سیالۍ جوړې کړې دي.

لوګر ولایت امنیه قومانداني وايي چې د دغه ولایت کشفي او امنیتي ځواکونو په مرکز پل‌علم کې دوه کسان د نشه‌یي توکو د قاچاق او پلور په تور نیولي دي.

د لوګر د کرنې، اوبولګولو او مالدارۍ ریاست مسوولین وایي چې د دغه ولایت د مرکز پل‌علم او ولسوالیو بزګرانو د قوش‌تېپې کانال د زرغونتیا لپاره د ۱۷۰ زره نیالګيو مرسته کړې ده.