لوګر

ل‌علم (پژواک، ۲۲ وږی ۱۴۰۴): لوګر کې د ا.ا امارت مسوولینو «معلوماتو ته د لاس‌رسي ارزښت» تر سرلیک لاندې جوړې شوې یوه غونډه کې ویلي

د لوګر د کانونو او پټرولیم ریاست مسوولین وایي چې د دغه ولایت په مرکز پل‌علم او یو شمېر ولسوالیو کې یې د قيمتي ډبرو ۳۵ نوي کانونه کشف کړي دي.

د لوګر ولایت د فرمانونو او حکمونو د تعقیب او نظارت ریاست لپاره د ۲۸ میلیون افغانیو په لګښت نوې ودانۍ جوړه او نن ګټې اخیستنې ته وسپارل شوه.

لوګر کې ځایي مسوولین وایي چې د دغه ولایت په مرکز پل‌علم او محمداغه ولسوالۍ کې د شاوخوا دوه سوه زره امریکايي ډالرو په لګښت د درېیو رغنیزو پروژو چارې بشپړې او ګټې اخېستنې ته وسپارل شوې.

د لوګر امنیه قومانداني وایي چې د دغه ولایت د محمداغې ولسوالۍ په «دولت کلا» سیمه کې د غلو یوه شپږکسیزه ډله نیول شوې ده.

د لوګر د کرنې، اوبولګولو او مالدارۍ ریاست وایي چې د دغه ولایت په څرخ او ازرې ولسوالیو کې د ۲۰۰ زره امریکایي ډالرو په لګښت د دوو سربندونو جوړولو چارې پیل شوې.

د لوګر والي د دغه ولایت د رسنیو له مسوولینو او خبریالانو سره په ګډه غونډه کې ویلي چې اسلامي امارت د هېواد په کچه د رسنیو هر اړخیز ملاتړ ته ژمن دی او خبریالان باید د پېښو پر مهال حقیقت پټ نه ‌کړي او د ولس ستونزو ته دې په بې‌طرفه ډول پوښښ ورکړي.

لوګر کې ورزشي مسوولین وایي چې د دغه ولایت په مرکز پل‌علم کې د ۶۵ غوره ورزشکارانو ترمنځ د سوک‌وهنې یو ورځنۍ سیالۍ ترسره شوې.

سیمه‌ییز مسوولین وایي چې د لوګر پوهنتون کې د لوړو زده‌کړو وزارت له لوري د ۵۱ میلیون افغانیو په لګښت د دوو رغنیزو پروژو چارې پيل شوې.

د لوګر د پوهنې ریاست وایي چې د ملګرو ملتونو د ماشومانو د ملاتړ صندوق(UNICEF)  له لوري د دغه ولایت په درېیو ولسوالیو کې د شاوخوا ۷۵ میلیونه افغانیو په لګښت اوو ښوونځیو ته ودانۍ جوړې او ګټې اخيستنې ته وسپارل شوې.

د لوګر د کانونو او پټرولیم ریاست مسوولین وايي، د دغه ولایت په محمداغه ولسوالۍ کې د یوه خصوصي شرکت له‌خوا د ۱۴ میلیون افغانیو په پانګونې د کرومایټ ډبرو د پروسس یوه کارخونه جوړه شوه.

د لوګر د ازرې ولسوالۍ یو شمېر اوسېدونکي وایي چې تېره ورځ او شپه د د سخت ورښت له امله په دغه ولسوالۍ کې سېلابونه راوتلي چې د مالي زیانونو ترڅنګ یې درېیو کسانو ته مرګ‌ژوبله هم اړولې ده.