ملګري ملتونه

د ملګرو ملتونو د نشه‌يي توکو او جرمونو پر وړاندې د مبارزې ادارې پخوانی اجرائیوي ریيس وايي، په نږدې راتلونکي کې په کابل کې نړۍوال کنفرانس جوړوي او د دغه کنفرانس له لارې افغان بزګرانو ته د بدیلو کښتونو وړاندې کولو برخه کې د نړۍوالو مالي ملاتړ راجلبوي.

د ملګرو ملتونو د سرمنشي مرستیاله وايي، دغه سازمان چمتو دی چې د چاپېریال‌ساتنې، بشري چارو، کارموندنې، زېربنایي چارو او د بېوزلۍ کمولو برخو کې له افغانستان سره خپلو مرستو ته دوام ورکړي.

د اسلامي امارت له ګډون پرته د افغانستان په تړاو د ملګرو ملتونو تر سرپرستۍ لاندې د دوحې دوه ورځنی کنفرانس نن پیلېږي.

د افغانستان په تړاو ددوحې تر غونډې مخکې د ملګرو ملتونو ځانګړي همغږي کوونکي کابل ته د سفر پر مهال په ډاګه کړې، پخپله ارزونه کې يې غوښتنه کړې چې په کابل کې د نورو هېوادونو دیپلوماتیک حضور زیات شي.

د امریکا د بهرنیو چارو وزارت د ملګرو ملتونو د امنیت شورا د هغه پرېکړه لیک ملاتړ کړی چې پکې افغانستان لپاره د ملګرو ملتونو د یوه نوي ځانګړي استازي‌ ګومارل کېدل تصویب شوي.

د ملګرو ملتونو امنیت شورا  د رایو په اکثریت سره هغه پرېکړه لیک تصویب کړ ، چې د ملګروملتونو د عمومي منشي ځانګړي همغږي کوونکي او خپلواک ارزونکي فریدون هادي سينيرلي اوغلو لخوا د افغانستان په تړاو چمتو شوی و.‌

د ایران بهرنیو چارو وزیر ویلي، ملګري ملتونه دې ایران کې پناه‌غوښتونکو، په ځانګړې توګه په دغه هېواد کې له پنځه میلیونه ډېر افغان کډوالو په اړه خپلو دندو ته پاملرنه وکړي.

د کډوالو او راستنېدونکو چارو وزارت وایي چې د ملګرو ملتونو د کډوالو د عالي کمېشنرۍ استازو ورسره د کډوالو پر ستونزو ددرې او څلور اړخیزو غونډو جوړولو په تړاو خبرې کړې.

ملګري ملتونه وایي چې که له پاکستان په زوره اېستل شویو افغان کډوالو ته سرپناه برابره نه شي؛ نو په سخت ژمي کې به د یخنۍ له امله مړه شي.

په کابل کې د ملګرو ملتونو د کډوالو د عالي کمشنرۍ مشر لیونارډ زولو په بروکسل کې د بلجیم د بهرنیو چارو وزارت او اروپایي ټولنې له استازو سره یې د افغانستان پر وضعیت خبرې کړې دي.

د ماشوم نړۍوالې ورځې له راسېدو سره هم‌مهاله ملګرو ملتونو ویلي چې د نړۍ په ګوټ ګوټ کې د ماشومانو حقونه تر پښو لاندې شوي دي.

د ملګرو ملتونو لخوا د افغانستان په تړاو کېدونکې “مهمه“ غونډه ښایي راتلونکې میاشت په قطر کې جوړه شي.