مور ملي ورځ

د کابل ښار اوسېدونکو ۷۲ کلنه نورجهان چې د پنځه اولادونو مور ده، وايي، هیله یې درلوده چې اولادونه به په زوړتوب کې مرسته ورسره وکړي، خو داسې ونه شول، هغوی ټول ولاړل او دا یې یوازې پرېښوده.

نن د غبرګولي ۲۴مه، د مور ملي ورځ په افغانستان کې په داسې حال رارسېږي چې په هېواد کې یو شمېر میندو د بېوزلۍ او تنګلاسۍ له امله د خپلو کورنیو د لګښتونو تامینولو لپاره درنو کارونو ته مخه کړې او له سختۍ او کړاوه ډک ژوند لري.